12.10.2018
Візіт у Белгідрамет экспертаў місіі МАГАТЭ па забеспячэнню гатоўнасці дзяржавы да рэагавання на ядзерныя і радыяцыйныя аварыйныя сітуацыі
У рамках правядзення ў Рэспубліцы Беларусь місіі МАГАТЭ па забеспячэнню гатоўнасці дзяржавы да рэагавання на ядзерныя і радыяцыйныя аварыйныя сітуацыі (EPREV) 11 кастрычніка 2018 года адбыўся візіт экспертаў місіі ў Белгідрамет. Мэтай візіту з'яўлялася ацэнка гатоўнасці Белгідрамета да рэагавання на ядзерныя або радыялагічныя надзвычайныя сітуацыі, адпаведнасць галіновай сістэмы аварыйнай гатоўнасці і рэагавання Міністэрства прыродных рэсурсаў і аховы навакольнага асяроддзя міжнародным рэкамендацыям МАГАТЭ, а таксама выпрацоўка рэкамендацый па далейшым удасканаленні нацыянальнай інфраструктуры аварыйнай гатоўнасці і рэагавання на ядзерныя і радыялагічныя аварыйныя сітуацыі.
У рамках візіту эксперты азнаёміліся з працай службы метэаралагічных прагнозаў, аддзела аператыўных дадзеных радыяцыйнага кантролю і маніторынгу надзвычайных сітуацый службы радыяцыйнага маніторынгу, наведалі лабараторыі, задзейнічаныя пры правядзенні радыяцыйнага маніторынгу. Падчас сустрэчы былі абмеркаваны пытанні развіцця і ўдасканалення метэаралагічных прагнозаў і зон распаўсюджвання радыеактыўнага забруджвання ў раёнах надзвычайных сітуацый, а таксама пытанні ўзаемадзеяння і перадачы інфармацыі паміж усімі ўдзельнікамі аварыйнага рэагавання, прадстаўленыя нарматыўныя прававыя акты, якія рэгламентуюць дзейнасць сітуацыйнага крызіснага цэнтра Мінпрыроды Рэспублікі Беларусь, створанага на базе Белгідрамета.
Спецыялізаваныя сайты
Iнфармацыйныя iнтэрнэт-парталы
Iнтэрнэт-партал Прэзiдэнта Рэспублiкi Беларусь
Міністэрства прыродных рэсурсаў і аховы навакольнага асяроддзя Рэспублікі Беларусь
Бiяметрычныя дакументы Рэспублікі Беларусь
Нацыянальны прававы Інтэрнэт-партал Рэспублікі Беларусь
Нацыянальны цэнтр інтэлектуальнай уласнасці
Беларускі прафсаюз работнікаў лесу і прыродакарыстання
Мінская абласная арганізацыя Беларускага прафсаюза работнікаў лесу і прыродакарыстання
Афіцыйныя геральдычныя сімвалы Рэспублікі Беларусь