Стужка навін

Пасля анамальна цёплага надвор'я, якое назіралася ў першыя дні 2023 года, сёння (аўторак 3 студзеня) у нашу краіну пачне паступаць крыху больш прахалодная паветраная маса з Балтыйскага мора, тэмпературны фон крыху панізіцца і ўжо 4 студзеня ў сераду на працягу сутак па рэспубліцы будзе ад -2 да +4. 5 студзеня пад уплывам цыклона, які змяшчаецца з поўдня Швецыі на тэрыторыю Беларусі, чакаюцца складаныя ўмовы надвор'я: працяглыя ападкі ў выглядзе снегу і мокрага снегу з дажджом, месцамі моцныя ападкі, наліпанне мокрага снегу, галалёд, на дарогах галалёдзіца. Месцамі па паўднёвым захадзе краіны будзе ўзмацняцца вецер да моцнага парывістага. 6 студзеня (пятніца) цыклон адыдзе на тэрыторыю Расіі, і ў яго тылавой частцы ў нашу краіну пачне паступаць халоднае арктычнае паветра. Таму ў пятніцу чакаецца рэзкае пахаладанне. Тэмпература паветра на працягу сутак па краіне апынецца ў межах ад 0 па паўднёвым захадзе да -14 па паўночным усходзе, ноччу па поўначы пры ўмове праясненняў маразы ўзмоцняцца да -16. На праваслаўныя Каляды маразы яшчэ ўзмоцняцца, найбольш істотна па паўночным усходзе краіны: у начныя гадзіны будзе ад -18 па паўночным усходзе, пры ўмове працяглых праясненняў тут не выключана паніжэнне і да -19 -23, а па паўднёвым захадзе краіны будзе да -2. У дзённыя гадзіны 7 студзеня па краіне тэмпературны фон складзе -6 -13, месцамі да -15, і толькі па паўднёвым захадзе краіны будзе -5, +1. Сачыць за абнаўленнямі метэаралагічнай інфармацыі можна на сайтах Белгідрамета, у сацыяльных сетках і ў мабільным дадатку «Надвор'е ў кішэні». Пры выкарыстанні інфармацыі спасылка на Белгідрамет абавязкова  

На прытоку Сожа рацэ Проня ля в.Ляцягі ўзровень вады перавысіў небяспечную высокую адзнаку, пры якой раней назіраліся затапленні прыбярэжных тэрыторый. Пры выкарыстанні інфармацыі спасылка на Белгідрамет абавязкова  

  Паважаныя калегі, дарагія сябры! Ад імя калектыву Белгідрамета і мяне асабіста прыміце самыя шчырыя віншаванні з надыходзячымі святамі - Новым годам і Калядамі! Хай 2023 год будзе напоўнены яркімі задумкамі і справамі, шчодры на дабрыню і згоду, хай ён стане для ўсіх годам новых дасягненняў! Жадаем вам і вашым блізкім моцнага здароўя, міру і дабрабыту, святочнага настрою і выканання ўсіх жаданняў! З найлепшымі пажаданнямі, Начальнік Белгідрамета Тамара Сяргееўна Гоманава

На гэтым тыдні чакаецца няўстойлівы характар надвор'я. У большасці дзён умовы надвор'я ў Беларусі будуць вызначаць атмасферныя франты, якія пастаўляюць новыя порцыі ападкаў і цёплую паветраную масу атлантычнага паходжання. Ападкі будуць пераходзіць са снегу ў мокры снег і дождж, што прывядзе да ўтварэння галалёду. Ноччу і раніцай у аўторак (27 снежня) у цэнтральных і ўсходніх раёнах, а днём па ўсходзе краіны ў сувязі з пагрозай утварэння галалёду абвешчаны аранжавы ўзровень небяспекі. Пры паступленні цёплага паветра месцамі будуць утварацца туманы. На асобных участках дарог захаваецца галалёдзіца. Тэмпература паветра на працягу працоўнага тыдня па рэспубліцы ў асноўным будзе вагацца ад -4, +3°С у начныя гадзіны да 0, + 6°С днём, толькі ноччу ў аўторак (27 снежня) па паўночным усходзе краіны тэмпература апусціцца да -8°С. Паводле папярэдніх прагнозаў, у апошні дзень адыходзячага года і ў першы дзень 2023 года ў нашу краіну пачне паступаць яшчэ больш цёплае паветра з паўднёвага захаду Еўропы. Днём 31 снежня па рэспубліцы тэмпература паветра складзе +1 +8°С, такая ж тэмпература будзе пераважаць і ў навагоднюю ноч, а днём 1 студзеня 2023 года максімумы тэмпературы па краіне апынуцца ў межах ад +3°С да +10°С. Пры гэтым у навагоднюю ноч на большай частцы тэрыторыі нашай краіны, а днём 1 студзеня ў асобных раёнах пройдуць ападкі, у асноўным у выглядзе дажджу. Сачыць за абнаўленнямі метэаралагічнай інфармацыі можна на сайтах Белгідрамета, у сацыяльных сетках і ў мабільным дадатку «Надвор'е ў кішэні». Пры выкарыстанні інфармацыі спасылка на Белгідрамет абавязкова  

У суботу 24 снежня ў рэспубліцы захаваецца цёплае для канца снежня надвор'е. Ноччу на большай частцы тэрыторыі, а днём месцамі пройдуць ападкі ў выглядзе дажджу і мокрага снегу. Больш інтэнсіўныя ападкі чакаюцца ў начныя гадзіны, а днём у асноўным яны будуць невялікія. Месцамі чакаецца туман, на асобных участках дарог галалёдзіца. Тэмпература паветра ў суботу на працягу сутак будзе знаходзіцца ў межах ад -3 да +3. На каталіцкія Каляды ў нядзелю (25 снежня) пры паступленні больш прахалоднай паветранай масы ненадоўга пахаладае. Ападкаў будзе няшмат, ноччу невялікі кароткачасовы снег і мокры снег пройдзе месцамі па поўдні рэспублікі, а днём будзе адзначацца і ў заходніх раёнах краіны. Месцамі чакаецца туман і шэрань. Тэмпература паветра ў навагоднюю ноч будзе знаходзіцца ў межах ад -2°С да -9°С, па поўначы пры праясненнях да -12°С, па поўдні пры гэтым будзе каля 0. Днём у нядзелю тэмпература паветра складзе ад -5°С да +2°С. Варта адзначыць, што пры паніжэнні тэмпературы паветра да адмоўных значэнняў на дарогах будзе слізка, таму будзьце асцярожны! У сталіцы ў калядную ноч тэмпература паветра будзе апускацца да -5 -7°С, днём пры гэтым будзе -2 -4°С. Істотных ападкаў у нядзелю ў горадзе не чакаецца. На дарогах будзе ўтварацца галалёдзіца. У панядзелак 26 снежня ў Беларусі чакаецца вельмі кантраснае па тэмпературнаму рэжыму надвор'е. У начныя гадзіны тэмпература паветра будзе знаходзіцца ў межах ад -13°С па ўсходзе да +1°С па захадзе, а днём складзе ад -5°С па паўночным усходзе да +5°С па паўднёвым захадзе. Пры гэтым ноччу па захадзе, а днём на большай частцы тэрыторыі пад уплывам атмасфернага фронту пройдуць ападкі ў выглядзе снегу і мокрага снегу, днём з дажджом. У далейшым за атмасферным фронтам у нашу краіну зноў пачне паступаць больш цёплая вільготная паветраная маса атлантычнага паходжання і, па папярэднім прагнозе, на працягу наступнага тыдня тэмпературны фон па рэспубліцы будзе вагацца ад слабаадмоўных значэнняў ноччу да слабастаноўчых значэнняў днём. Сачыць за абнаўленнямі метэаралагічнай інфармацыі можна на сайтах Белгідрамета, у сацыяльных сетках і ў мабільным дадатку «Надвор'е ў кішэні». Пры выкарыстанні інфармацыі спасылка на Белгідрамет абавязкова   

З паўднёва-заходнімі патокамі ў нашу краіну працягваюць паступаць атмасферныя франты, якія прыносяць у рэспубліку ападкі ў асноўным у выглядзе снегу і мокрага снегу, па паўднёвым усходзе месцамі – з дажджом. Сёння днём, у пятніцу 16 снежня , чарговая франтальная сістэма зрушыцца на тэрыторыю Беларусі і абумовіць у большасці раёнаў снег, мокры снег, па поўдні краіны – моцны снег, месцамі мяцеліца. У суботу (17 снежня) ноччу ўплыў атмасферных франтоў яшчэ будзе выяўляцца ў большасці раёнаў краіны, а днём – пераважна па паўднёва-ўсходняй палове, таму ноччу на большай частцы, а днём у асноўным па паўднёва-ўсходняй палове рэспублікі пройдуць ападкі ў выглядзе снегу і мокрага снегу, месцамі чакаецца слабая мяцеліца; па паўднёвым усходзе прагназуецца мокры снег з дажджом, месцамі галалёд. Ноччу на большай частцы Магілёўскай і месцамі па ўсходняй палове Мінскай вобласці, а днём у заходніх і цэнтральных раёнах Гомельскай вобласці чакаецца моцны снег, мокры снег, месцамі наліпанне мокрага снегу. На асобных участках дарог захаваецца галалёдзіца. У сувязі з чаканым моцным снегам і мокрым снегам па Гомельскай і Магілёўскай абласцях аб'яўлены аранжавы ўзровень небяспекі. У нядзелю 18 снежня ападкі ў выглядзе снегу пройдуць у асноўным па паўднёва-ўсходняй палове краіны, а ў панядзелак 19 снежня з ростам атмасфернага ціску істотных ападкаў па рэспубліцы не чакаецца. Па папярэднім прагнозе, днём у аўторак (20 снежня) у нашу краіну пачне паступаць больш цёплае атлантычнае паветра, ападкі са снегам будуць пераходзіць у мокры снег і дождж, што прывядзе да ўтварэнню галалёду. У нядзелю і панядзелак (18-19 снежня) з ростам атмасфернага ціску аблокаў стане менш і тэмпературны фон панізіцца: у начныя гадзіны будзе -8 -16°С, пры ўмове працяглых праясненняў месцамі не выключана паніжэнне да -18°С, а ў ноч на панядзелак і да -20°С, днём пры гэтым будзе -5 -13°С. Ноч на аўторак яшчэ апынецца халоднай: ад -6°С па захадзе да -15°С па ўсходзе, а ўжо днём тэрмометры пакажуць ад -5°С да +2°С. Па папярэднім прагнозе ў сярэдзіне наступнага тыдня павышэнне тэмпературнага фону працягнецца, і тэмпература паветра па краіне апынецца ў межах ад слабастаноўчых да слабаадмоўных значэнняў. Сачыць за абнаўленнямі метэаралагічнай інфармацыі можна на сайтах Белгідрамета, у сацыяльных сетках і ў мабільным дадатку «Надвор'е ў кішэні». Пры выкарыстанні інфармацыі спасылка на Белгідрамет абавязкова  

15 снежня 2022 года   начальнік Белгідрамета Тамара Гоманава і начальнік службы экалагічнай інфармацыі Алена Мельнік прынялі ўдзел у пасяджэнні Міжведамаснага каардынацыйнага савета Нацыянальнай сістэмы маніторынгу навакольнага асяроддзя ў Рэспубліцы Беларусь (НСМНА), якое адбылося ў Міністэрстве прыродных рэсурсаў і аховы навакольнага асяроддзя Рэспублікі Беларусь. Мерапрыемства прайшло ў гібрыдным фармаце пад старшынствам намесніка Міністра Івана Прыходзька , удзел у якім таксама прынялі прадстаўнікі цэнтральнага апарату і падпарадкаваных арганізацый Мінпрыроды, Міністэрства лясной гаспадаркі, Дзяржаўнага камітэта па маёмасці, Нацыянальнай акадэміі навук Беларусі, Беларускага дзяржаўнага ўніверсітэта, ТАА "Эпаль Софт". Членамі Савета разгледжаны і адобраны прапановы па ўнясенню змяненняў і дапаўненняў у Дзяржаўны рэестр пунктаў назіранняў НСМАС у частцы маніторынгу падземных вод, радыяцыйнага маніторынгу і маніторынгу паверхневых вод. Прадстаўлены даклады аб наяўных інфармацыйных рэсурсах Галоўнага інфармацыйна-аналітычнага цэнтра і шэрага інфармацыйна-аналітычных цэнтраў НСМНА, праводзімай з імі працы, ўзнікаючых пытаннях і далейшых перспектывах развіцця па відах маніторынгу навакольнага асяроддзя. Па выніках справаздач Іван Прыходзька адзначыў, што разгляданыя пытанні вельмі важны з пункту гледжання разумення стану спраў аб узроўні забяспечанасці інфармацыйнымі рэсурсамі і іншымі інструментамі, якія дазваляюць на сённяшні дзень своечасова прадастаўляць актуальную экалагічную інфармацыю грамадзянам, дзяржаўным органам і арганізацыям, а таксама аператыўна і якасна яе апрацоўваць і аналізаваць, падрыхтоўваць інфармацыю аб стане навакольнага асяроддзя рознага прызначэння, у тым ліку прагнознага характару. У ходзе пасяджэння таксама была заслухана прэзентацыя прадстаўнікоў ТАА "Эпаль Софт" аб ходзе распрацоўкі Рэспубліканскай інфармацыйнай сістэмы аўтаматызаванага маніторынгу навакольнага асяроддзя (РІСАМНС), прадугледжанай у рамках выканання мерапрыемства 74 Дзяржаўнай праграмы "Лічбавае развіццё Беларусі" на 2021 – 2025 гады. З улікам набіраючай тэмпы цыфравізацыі ў краіне, якая закранае ўсе вобласці і сферы дзейнасці, адбываецца паступовае ўдасканаленне інструментаў сістэмы НСМНА і механізмаў яе функцыянавання. Пасяджэнне завяршылася абмеркаваннем прапаноў членаў Савета па падрыхтоўцы і правядзенні мерапрыемстваў у 2023 годзе, прымеркаваных да 30-годдзя з дня ўтварэння НСМНА. Даведачна:  НСМНА  створана на аснове Закона Рэспублікі Беларусь ад 26 лістапада 1992 г. № 1982-XII «Аб ахове навакольнага асяроддзя» пастановай Савета Міністраў Рэспублікі Беларусь ад 20 красавіка 1993 г. № 247. Інфармацыя і фота ўзяты з сайта minpriroda.by  

Белгідрамет заклікае падпісацца на грамадска-палітычны, навукова-папулярны, ілюстраваны экалагічны часопіс «Родная прырода» , заснавальнікам якога з'яўляецца Міністэрства прыродных рэсурсаў і аховы навакольнага асяроддзя Рэспублікі Беларусь. Даведачна: часопіс "Родная прырода" знаёміць чытачоў з інфармацыяй аб прыродным патэнцыяле Беларусі, яго захаванні і прымнажэнні; дзяржаўнай палітыцы ў галіне аховы навакольнага асяроддзя і рацыянальнага выкарыстання прыродных рэсурсаў; тэхналогіях і інавацыях для вырашэння экалагічных праблем. Многія матэрыялы выдання прысвечаны экадружалюбнаму ладу жыцця і ўдзелу грамадскасці ў прыняцці рашэнняў; экалагічнаму выхаванню і адукацыі. І, вядома, "Родная прырода" – гэта выдатны "прыродны" фотаальбом: на старонках выдання публікуюцца лепшыя фотаздымкі жывёльнага і расліннага свету ад прафесіяналаў і аматараў. Падпісныя індэксы: 74926 -для індывідуальных падпісчыкаў (на 1 месяц – 16,03 бел.руб.); 749262 -для ведамасных падпісчыкаў (на 1 месяц – 21,63 бел.руб.). Аформіць падпіску можна кожны месяц: праз аддзяленні сувязі і на сайце РУП "Белпошта"; праз сістэму "Belpressa.by"; праз аўтаматызаваную сістэму АРІП. Праз аддзяленні сувязі таксама можна аформіць падпіску на абаненцкую скрыню, па факсе (ведамасная падпіска), з дастаўкай да кватэры "з уручэннем з рук у рукі". УП "Белсаюздрук" ажыццяўляе прыём падпіскі "да запатрабавання". Выпісвайце любімыя выданні, каб заўсёды быць у курсе экалагічных навін Беларусі і свету, новаўвядзенняў прыродаахоўнай палітыкі дзяржавы, важных "зялёных" ініцыятыў нашых землякоў, а таксама самому навучыцца дапамагаць прыродзе роднага краю. Будзьце разам з роднай прыродай!  

7-8 снежня 2022 года ў г.Магілёве прайшло 74-е пасяджэнне сумеснай калегіі Камітэта Саюзнай дзяржавы па гідраметэаралогіі і маніторынгу забруджвання прыроднага асяроддзя. У рамках пасяджэння сумеснай калегіі Камітэта быў разгледзены шырокі спектр пытанняў узаемадзеяння дзяржаўных гідраметэаралагічных служб Рэспублікі Беларусь і Расійскай Федэрацыі. Сумесная калегія на працягу 26 гадоў з'яўляецца пляцоўкай для канструктыўнага дыялогу, вырашэння гідраметэаралагічных пытанняў Беларусі і Расіі, абмену вопытам, абмеркавання бягучай дзейнасці і перспектыўных навуковых распрацовак, а таксама выбудоўвання дружалюбных адносін дзвюх краін. Белгідрамет і Расгідрамет цесна супрацоўнічаюць дзясяткі гадоў, за гэты перыяд наладжаны прадуктыўныя адносіны. Напрацоўкі спецыялістаў служаць розным галінам эканомік дзвюх краін. З улікам таго, што клімат за апошні час у нашых краінах змяніўся і гэты працэс працягваецца, задачы становяцца ўсё больш актуальнымі.                                                                                                                      Фота з сайта souzveche.ru У пасяджэнні прымалі удзел прадстаўнікі Парламенцкага сходу Саюза Беларусі і Расіі, Пастаяннага камітэта Саюзнай дзяржавы, Федэральнай службы па гідраметэаралогіі і маніторынгу навакольнага асяроддзя Расійскай Федэрацыі, Міністэрства прыродных рэсурсаў і экалогіі Іркуцкай вобласці, публічнага акцыянернага таварыства "Навукова-вытворчае аб'яднанне «Алмаз» імя акадэміка А.А. Расплеціна", Міністэрства прыродных рэсурсаў і аховы навакольнага асяроддзя Рэспублікі Беларусь, дзяржаўнай установы «Рэспубліканскі цэнтр па гідраметэаралогіі, кантролю радыеактыўнага забруджвання і маніторынгу навакольнага асяроддзя», Магілёўскага гарадскога выканаўчага камітэта. Адкрываючы пасяджэнне, намеснік Міністра прыродных рэсурсаў і аховы навакольнага асяроддзя Іван Прыходзька адзначыў, што за годы супрацоўніцтва паміж дзвюма службамі выбудаваны прафесійныя, устойлівыя адносіны, напрацавана шмат станоўчага вопыту. Сумесная праца Белгідрамета і Расгідрамета на пляцоўцы Камітэта Саюзнай дзяржавы - гэта добры прыклад эфектыўнай інтэграцыйнай работы. У цэнтры ўвагі ўдзельнікаў пасяджэння былі разгледжаны пытанні абмену метэаралагічнай інфармацыяй, у тым ліку першаснай радыёлакацыйнай, удасканаленне нарматыўна-прававой і метадалагічнай базы. Але ключавы момант у абмеркаваннях - падрыхтоўка праграмы Саюзнай дзяржавы "Забеспячэнне гідраметэаралагічнай бяспекі ва ўмовах зменлівасці і змены клімату" на 2023-2027 годы, - падзяліўся намеснік Міністра. - Ужо рэалізавана пяць саюзных праграм у галіне гідраметэаралогіі і сумежных з ёй абласцях. Усе вынікі ўкаранёны на практыцы ў працу гідраметэаралагічных службаў дзвюх краін. Таму ніякіх сумневаў у эфектыўнасці такой сумеснай дзейнасці няма - будзем працягваць у тым жа духу.                                                                                                              У ходзе пасяджэння ў інтэрв'ю са СМІ начальнік Белгідрамета Тамара Гоманава адзначыла: "У лютым гэтага года нас адключылі ад інфармацыі Еўрапейскага цэнтра сярэднетэрміновых прагнозаў. Без усялякіх тлумачэнняў, перастала як такое існаваць узаемадзеянне з прыгранічнымі гідраметэаралагічнымі службамі Латвіі, Літвы і Украіны. Таксама з намі перастала працаваць міжнародная арганізацыя, якая забяспечвае метэаралагічнымі прагнозамі грамадзянскую авіяцыю. Але няма худа без дабра. Мы сталі шукаць і знаходзіць магчымасці працаваць без іх. На сённяшні дзень апраўдвальнасць сярэднесутачных прагнозаў Белгідрамета складае 98 працэнтаў, у абласных гарадах на трое сутак — 95 працэнтаў. Прычым, што ў свеце добрым паказчыкам лічыцца 92 працэнта. Можна ўпэўнена сказаць, што мы сталі мацней і самастойней. Вельмі шчыльна працуем з расійскімі калегамі, яны нам шмат у чым дапамагаюць. У нас аднолькавыя методыкі сінаптычнага разліку і абсталяванне, таму распрацавалі сумеснае праграмнае забеспячэнне. Але і на сённяшнім пасяджэнні нам ёсць, што абмеркаваць. Будзем шукаць новыя рашэнні і падыходы, якія дапамогуць яшчэ больш інтэгравацца і згуртавацца».   

Лістапад 2022 года характарызаваўся цёплым надвор'ем у першай палове месяца і халодным ў другі. Вельмі цёплай была першая дэкада са станоўчай анамаліяй роўнай 2,5 С°. Сярэдняя тэмпература паветра другой дэкады была блізкая да нормы (на 0,2°С вышэй за кліматычную норму). Трэцяя дэкада была халоднай з адмоўнай анамаліяй роўнай -1,5°С. Цёплае надвор'е адзначалася з 1 па 16 лістапада. 17 лістапада рэзка пахаладала, і да канца месяца ўтрымлівалася па-зімоваму халоднае надвор'е. За месяц у сярэднім па рэспубліцы выпала 48,1 мм ападкаў, што склала 105% кліматычнай нормы. Ападкі па тэрыторыі краіны распаўсюджваліся нераўнамерна. Адзначалася павелічэнне аб'ёму ападкаў з захаду на ўсход ад 50-70% да 150% і больш кліматычнай нормы адпаведна. На працягу месяца ўмовы ўвільгатнення былі неаднастайныя. На працягу першай дэкады і другой дэкад адзначаўся недабор ападкаў: у сярэднім па краіне выпала 14,1 і 10,6 мм або 83 і 71% кліматычнай нормы ападкаў. У трэцяй дэкадзе адзначаўся лішак ападкаў: у сярэднім па краіне выпала 23,3 мм або 170% кліматычнай нормы ападкаў. У канцы другой дэкады ўсталяваўся снежны полаг. Па дадзеных снегамернай здымкі, вырабленай па маршруце ў полі 30 лістапада, снежнае покрыва на тэрыторыі басейнаў рэк назіралася амаль паўсюдна, вышыня снегу складала 1-29 см з запасам вады ў ім да 50 мм, як на тэрыторыі Беларусі, так і за яе межамі. У пачатку трэцяй дэкады месяца на рэках пачаліся ледаўтваральныя працэсы. Ледзяныя ўтварэнні ў выглядзе заберагаў і шугахода да канца месяца адзначаліся на большасці рэк басейна Заходняй Дзвіны, месцамі на рэках басейнаў Віліі, Дняпра, Бярэзіны, Сожа і Прыпяці. На працягу месяца на рэках пераважаў рост узроўняў вады. Воднасць рэк была блізкая да звычайнай для гэтага часу і некалькі менш яе. Пры выкарыстанні інфармацыі спасылка на Белгідрамет абавязкова