БЕЛГIДРAМЕТ

Ru Be En

Галоўная / Аб Белгідрамеце / Прэс-цэнтр / Навіны і падзеі

18.02.2019

Выніковы сход працоўнага калектыву па падвядзенні вынікаў працы Белгідрамета за 2018 год і планах на 2019 год

14 лютага ў Белгідрамеце адбыўся выніковы сход працоўнага калектыву па падвядзенні вынікаў працы ўстановы за 2018 год і планах на 2019 год.

Акрамя работнікаў Белгідрамета, на сходзе прысутнічалі: Першы намеснік Міністра прыродных рэсурсаў і аховы навакольнага асяроддзя Рэспублікі Беларусь Малкіна І.В., намеснік начальніка Рэспубліканскага цэнтра кіравання і рэагавання на надзвычайныя сітуацыі. Д.Н.Плевако, загадчык кафедры агульнага землязнаўства і гідраметэаралогіі геаграфічнага факультэта Беларускага дзяржаўнага універсітэта П.С.Лопух, галоўны навуковы супрацоўнік інстытута прыродакарыстання НАН Беларусі В.Ф.Логінаў, а таксама кансультант упраўлення аэрадромных стандартаў і аэранавігацыі Дэпартамента па авіяцыі Міністэрства транспарту і камунікацый Рэспублікі Беларусь А.М.Падгайскі.

Адкрываючы выніковы сход, начальнік Белгідрамета Р.Ю.Лабазноў выступіў з дакладам аб выніках працы Белгідрамета ў 2018 годзе і задачах на 2019 год, у якім прывёў кароткі аналіз усіх напрамкаў дзейнасці Белгідрамета за мінулы год і азначыў асноўныя задачы на 2019 год. У працяг дакладу начальніка Белгідрамета выступіла яго намеснік В.І.Кацуба з дакладам аб выніках фінансава-гаспадарчай дзейнасці Белгідрамета за 2018 год.

Далей слова было дадзена начальнікам Філіялаў "Віцебскаблгідрамет" А.Ю Макееву і "Гроднааблгідрамет" Д.В.Скаскевічу, якія асвятлілі асноўныя вынікі працы філіялаў.

Запрошаныя прадстаўнікі іншых міністэрстваў і арганізацый ацанілі вынікі сумяшчальнай працы з Белгідраметам і падзякавалі за супрацоўніцтва, а таксама акрэслілі асноўныя задачы па ўзаемадзеянні паміж арганізацыямі на 2019 год.

Пасля выступленняў запрошаных гасцей адбылося ўзнагароджанне работнікаў Белгідрамета па выніках працы ў 2018 годзе – 6 супрацоўнікаў былі ўзнагароджаны Ганаровай граматай Белгідрамета. Падзяка Белгідрамета была абвешчаная 14 супрацоўнікам.

У заключэнне выніковага сходу выступіла Першы намеснік Міністра прыродных рэсурсаў і аховы навакольнага асяроддзя Рэспублікі Беларусь Малкіна І. В.. У сваім выступе яна дала ацэнку дзейнасці Белгідрамета ў 2018 годзе і паказала на асноўныя напрамкі дзейнасці, якія неабходна развіваць у 2019 годзе.