БЕЛГIДРAМЕТ

Ru Be En

Галоўная / Аб Белгідрамеце / Прэс-цэнтр / Навіны і падзеі

06.10.2026

Восень разгайдае тэмпературныя арэлі

Восеньскае надвор'е ў гэтым годзе вельмі пераменлівае. Так, калі ў першую палову гэтага тыдня ў беларускі край завітае сонечны верасень з 20-градуснымі адзнакамі, то ўжо ў другой палове – шэры і прахалодны кастрычнік уступіць у свае правы.

У найбліжэйшыя двое сутак (7-8 кастрычніка) умовы надвор'я ў Беларусі ў асноўным будзе вызначаць вобласць павышанага атмасфернага ціску, таму чакаецца пераважна сухое і сонечнае надвор'е, толькі 8 кастрычніка (чацвер) месцамі ў няўстойлівым паветры будуць развівацца кучава-дажджавыя аблокі, з якіх пройдуць невялікія кароткачасовыя дажджы. У той жа час над Францыяй аформіцца цыклон, які будзе перамяшчацца на паўночны ўсход Еўропы і выносіць з сабой цёплае паветра паўднёвых шырот. У сувязі з гэтым ужо днём 7 кастрычніка (серада) на поўдні, паўднёвым захадзе рэспублікі слупкі тэрмометраў паднімуцца да +20 +22°С. Пік адвекции цяпла прыйдзецца на 8 кастрычніка (чацвер), калі тэрыторыя нашай краіны апынецца ў цёплым сектары дадзенага цыклона і пераважны дзённы фон тэмператур па рэспубліцы складзе +18 +25°С, толькі месцамі па поўначы і паўночным усходзе будзе не вышэй +15 +18°С.

9 кастрычніка (пятніца) сінаптычная сітуацыя зменіцца: цэнтр атлантычнага цыклона перамесціцца на Балтыйскае мора, а тэрыторыя Беларусі апынецца пад уплывам яго халоднага атмасфернага фронту. У выніку ў большасці раёнаў пройдуць дажджы рознай інтэнсіўнасці, пры перападах атмасфернага ціску будзе ўзмацняцца вецер да крытэрыяў моцнага парывістага. Разам з тым услед за франтальным раздзелам пачне паступаць прахалодная паветраная маса з паўночнага захаду Еўропы, што прывядзе да паніжэння тэмпературнага фону, і на сярэдзіну дня будзе не вышэй +10 +16°С, па паўднёвым усходзе месцамі да +18°С.

У далейшым (10-12 кастрычніка) тэрыторыя рэспублікі працягне знаходзіцца ў цыкланічнай цыркуляцыі, таму захаваецца няўстойлівае з дажджамі надвор'е. Але нягледзячы на гэта, тэмпературны фон будзе знаходзіцца каля кліматычнай нормы, месцамі нават трохі перавышаючы яе.

Адзінае, што застаецца нязменным - Неверагоднае буянства фарбаў залатой восені.

Пры выкарыстанні інфармацыі спасылка на Белгідрамет абавязкова