18.01.2024
У ноч на Хрышчэнне маразы адужэюць
У ноч на пятніцу, 19 студзеня, пад уплывам сыходзячых франтальных раздзелаў, ападкі ад невялікіх да ўмераных пройдуць па паўднёва-ўсходняй палове рэспублікі. Пры гэтам па Брэсцкай і Магілёўскай абласцях ападкі будуць ісці ў выглядзе снегу і мокрага снегу, а па Гомельскай вобласці ў выглядзе снегу, мокрага снегу і дажджу. Разам з тым, у рэспубліку пачне паступаць халодная паветраная маса і ў ноч на Хрышчэнне маразы адужэюць да -5 -11°С, пры ўмове працяглых праясненняў, пераважна па паўночным захадзе, паветра будзе астуджацца да -13 -15°С, а па паўднёвым усходзе пры больш шчыльнай воблачнасці падмарозіць да -2 -4°С. Днём слупкі тэрмометраў пакажуць -1 -7 °С, пры гэтым у вобласці павышанага атмасфернага ціску істотных ападкаў па краіне не чакаецца.
Разам з тым, калі сёння днём паўднёвыя рэгіёны нашай краіны яшчэ будуць знаходзіцца ў цёплай паветранай масе, то ўжо ў вячэрнія гадзіны 18 студзеня і на працягу ночы 19 студзеня тэмпература паветра будзе паніжацца да адмоўных значэнняў, што пасля адлігі будзе прыводзіць да ўтварэння галалёдзіцы. У сувязі з неспрыяльнай гідраметэаралагічнай з'явай па Брэсцкай і Гомельскай абласцях аб'яўлены аранжавы ўзровень небяспекі!
У асобных раёнах чакаюцца слабыя туман і галалёд.
Самы моцны мароз у Беларусі на Хрышчэнне (19 студзеня) быў у 2006 годзе і адзначаўся на метэастанцыі Езярышча. Тады слупкі тэрмометра апусціліся да -30,7°C. Хрышчэнне яшчэ не значыць, што абавязкова будзе марозна. Так у Брэсце ў 2007 годзе максімальная тэмпература паветра склала +9,7°C.
Пры выкарыстанні інфармацыі спасылка на Белгідрамет абавязкова
Спецыялізаваныя сайты і сайты Філіялаў
Iнфармацыйныя iнтэрнэт-парталы
Iнтэрнэт-партал Прэзiдэнта Рэспублiкi Беларусь
Міністэрства прыродных рэсурсаў і аховы навакольнага асяроддзя Рэспублікі Беларусь
Бiяметрычныя дакументы Рэспублікі Беларусь
Нацыянальны прававы Інтэрнэт-партал Рэспублікі Беларусь
Нацыянальны цэнтр інтэлектуальнай уласнасці
Беларускі прафсаюз работнікаў лесу і прыродакарыстання
Афіцыйныя геральдычныя сімвалы Рэспублікі Беларусь
Мінская абласная арганізацыя Беларускага прафсаюза работнікаў лесу і прыродакарыстання