12.10.2023
У Гомелі праходзіць 76-е пасяджэнне сумеснай калегіі Камітэта Саюзнай дзяржавы па гідраметэаралогіі і маніторынгу забруджвання прыроднага асяроддзя
12 кастрычніка 2023 года ў Гомелі праходзіць 76-е пасяджэнне сумеснай калегіі Камітэта Саюзнай дзяржавы па гідраметэаралогіі і маніторынгу забруджвання прыроднага асяроддзя.
На пасяджэнні сабраліся прадстаўнікі гідраметэаралагічных служб дзвюх краін, прадстаўнікі Пастаяннага камітэта Саюзнай дзяржавы, Міністэрства прыродных рэсурсаў і аховы навакольнага асяроддзя Беларусі, Парламенцкага сходу Саюза Беларусі і Расіі, а таксама органаў выканаўчай улады і навуковых колаў дзвюх краін.
Спецыялісты дзвюх краін разглядаюць актуальныя пытанні ўзаемадзеяння дзяржаўных гідраметэаралагічных служб Беларусі і Расіі, уключаючы кліматычнае абслугоўванне тэхнічнай сферы эканомікі, стан і ўдасканаленне сістэмы маніторынгу атмасфернага паветра. У ліку важных тэм - роля дадатковай прафесійнай адукацыі для ўстойлівага прафесійнага развіцця гідраметгаліны і інш. Таксама размова пойдзе аб забеспячэнні гідраметэаралагічнай бяспекі ва ўмовах зменлівасці і змены клімату, стане і ўдасканаленні сістэмы маніторынгу атмасфернага паветра, развіцці партала "Гідралагічная назіральная сетка Расійскай Федэрацыі" ў інтарэсах Саюзнай дзяржавы, фарміраванні і вядзенні Дзяржаўнага гідраметэаралагічнага фонду ў Беларусі і Расіі.
Пасяджэнне праходзіць у духу сяброўскага дыялогу.
Даведачна: сумесная калегія праводзіцца больш за чвэрць стагоддзя. Гэта пляцоўка для канструктыўнага дыялогу, разгляду пытанняў у сферы гідраметэаралогіі і сумежных з ёй абласцей, абмену вопытам. Таксама на парадку дня - абмеркаванне бягучай дзейнасці і перспектыўных навуковых распрацовак.
Падрабязнасці ў відэа:
Перад пачаткам пасяджэння першы намеснік начальніка Белгідрамета Святлана Кузьміч распавяла журналістам аб супрацоўніцтве з расійскімі калегамі : "Каб ствараць кароткатэрміновы прагноз, дастаткова ведаць надвор'е на тэрыторыі краін-суседзяў, але каб стварыць прагноз на 10 сутак наперад, трэба ведаць, якое надвор'е было ў Канадзе. І тая акалічнасць, што цяпер нам не даступна частка еўрапейскай інфармацыі, мы кампенсуем за кошт новых тэхналогій, звязаных са спадарожнікавай метэаралогіяй, навучання нашых спецыялістаў. Па дасягнутай з расійскімі калегамі дамоўленасці нашы спецыялісты навучаюцца па квотах Саюзнай дзяржавы. Імкнуцца ёсць да чаго, развіваючы новыя напрамкі".
Для калег з Расіі каштоўная інфармацыя ад беларускага боку. "Мы знаходзімся на захадзе ад Расіі. І для еўрапейскай часткі характэрны заходні перанос. З 2018 па 2020 мы пабудавалі шырокую сетку радыёлакатараў. У нас пяць радыёлакатараў на рэспубліку. І мы ўжо на подступах да Беларусі бачым развіццё небяспечных і неспрыяльных з'яў. І гэта вельмі цікава і важна і для нашых калег. Мы стварылі адзінае радыёлакацыйнае поле. Такім чынам, забяспечваем гэтай інфармацыяй і сябе, і расійскіх калег", - патлумачыла першы намеснік начальніка Белгідрамета.
Таксама Святлана Кузьміч расказала журналістам аб аб'ектыўнай неабходнасці адаптацыі да кліматычных змен: "Гідраметэаралагічнай галіне ёсць да чаго імкнуцца і ўдасканальвацца, хоць за апошнія гады праведзена мадэрнізацыя, узмоцнены тэхналагічныя падыходы. Зараз у краіне актуальна не толькі тэма змены клімату, але і рэальныя рэкамендацыі галінам і сферам эканомікі, як адаптавацца да гэтага фактару. Мы можам казаць аб некаторым зрушэнні цыклаў, павелічэнні перыяду міжсезоння. Пры гэтым разумеем, што павярнуць назад працэсы, якія адбываюцца, немагчыма, але ў нашых сілах прапанаваць шляхі вырашэння да адаптацыі да іх. І для кожнай галіны характэрны свае небяспечныя з'явы. Пры гэтым больш за ўсё пакутуе сельская гаспадарка: прыкладна 42% усіх небяспечных з'яў прыводзяць да гібелі сельскагаспадарчых пасеваў, 19% уплывае на паліўна-энергетычны комплекс і 12% - на будаўнічую галіну. Нашы спецыялісты ў тым ліку распрацоўваюць рэкамендацыі да адаптацыі розных галін эканомікі. Да прыкладу, у будаўнічай галіны неабходна пераглядаць пэўныя нормы і правілы. Калі гаворым пра энергетычную галіну, то разумеем, што цяпер доля выдаткаў электраэнергіі на кандыцыянаванне перавышае долю выдаткаў на абаграванне. У аграсферы ёсць неабходнасць у замене некаторых сістэм, насення на больш цеплалюбівыя".
Спецыялізаваныя сайты
Iнфармацыйныя iнтэрнэт-парталы
Iнтэрнэт-партал Прэзiдэнта Рэспублiкi Беларусь
Міністэрства прыродных рэсурсаў і аховы навакольнага асяроддзя Рэспублікі Беларусь
Бiяметрычныя дакументы Рэспублікі Беларусь
Нацыянальны прававы Інтэрнэт-партал Рэспублікі Беларусь
Нацыянальны цэнтр інтэлектуальнай уласнасці
Беларускі прафсаюз работнікаў лесу і прыродакарыстання
Мінская абласная арганізацыя Беларускага прафсаюза работнікаў лесу і прыродакарыстання
Афіцыйныя геральдычныя сімвалы Рэспублікі Беларусь