23.03.2022
Святочныя мерапрыемствы ў Белгідрамеце з нагоды прафесійнага свята
Штогод 23 сакавіка спецыялісты гідраметэаралагічнай службы Рэспублікі Беларусь адзначаюць сваё прафесійнае свята - Дзень работнікаў гідраметэаралагічнай службы Рэспублікі Беларусь. Свята было заснавана ў 2012 годзе і прымеркавана да Сусветнага метэаралагічнага дня.
Святочны дзень у Белгідрамеце сёлета пачаўся з правядзення прэс-брыфінгу з удзелам прадстаўнікоў сродкаў масавай інфармацыі (Выдавецкі Дом «Звязда», СБ «Беларусь сягодня», РУП «Беларускае тэлеграфнае агенцтва» (БелТА), часопіс «Родная прырода», навінавае агенцтва Sputnik і іншыя).
Асноўная тэма мерапрыемства-гэта тэма Сусветнага метэаралагічнага дня 2022 года "Ранняе папярэджанне і рэагаванне. Метэаралагічная і кліматычная інфармацыя для памяншэння рызыкі стыхійных бедстваў".
З прывітальным словам да прысутных звярнулася першы намеснік начальніка Белгідрамета Святлана Андрэеўна Кузьміч.
У рамках правядзення брыфінгу спецыялісты Белгідрамета выступілі з дакладамі на тэмы:
– «Кліматычныя рызыкі на тэрыторыі Рэспублікі Беларусь і ўплыў небяспечных гідраметэаралагічных з'яў на галіны эканомікі» (дакладчык: Клявец Наталля Мікалаеўна, начальнік аддзела вывучэння змен клімату службы метэаралагічнага і кліматычнага маніторынгу, фонду дадзеных);
– «Уплыў пагодных умоў на найбольш уразлівую галіну эканомікі краіны – сельскагаспадарчая вытворчасць» (дакладчык: Істоміна Кацярына Валер'еўна, начальнік службы гідралогіі і аграметэаролагі);
- «Фарміраванне вясновай паводкі на рэках Беларусі ў 2022 годзе і забеспячэнне гідралагічнай інфармацыяй органаў улады, галін эканомікі і насельніцтва» (дакладчык: Зубчонак Алена Яўгенаўна, начальнік аддзела гідралагічных прагнозаў службы гідралогіі і аграметэаралогіі);
- «Сістэма ранняга папярэджання і рэагавання як аснова гідраметэаралагічнай бяспекі. Узаемадзеянне Белгідрамета з дзяржаўнымі органамі і арганізацыямі па папярэджанні і мінімізацыі рызык, звязаных з умовамі надвор'я» (дакладчык: Чатырко Таццяна Іванаўна, начальнік службы метэаралагічных прагнозаў).
Падчас мерапрыемства гасцям было прапанавана прыняць удзел у тэматычнай віктарыне, пасля падвядзення вынікаў якой пераможцы атрымалі заслужаныя ўзнагароды з рук першага намесніка начальніка Белгідрамета.
Традыцыйна ў гэтую святочную дату калектыў Белгідрамета кожны год збіраецца ва ўтульнай актавай зале на ўрачыстае мерапрыемства.
Як любое сур'ёзнае мерапрыемства пачынаецца з гімна, так і ў Белгідрамеце мерапрыемства з нагоды прафесійнага свята пачалі з "Гімна Гідраметслужбы". Словы гэтай песні не могуць не закрануць душу: «З людзьмі, як у Гідраметслужбе, спакойна можа спаць краіна!». І гэта сапраўды так, бо спецыялісты Белгідрамета - гэта сапраўдныя прафесіяналы сваёй справы! Колькасць цёплых слоў у адрас калектыву таму пацверджанне!
Права адкрыць урачыстае мерапрыемства было прадастаўлена Міністру прыродных рэсурсаў і аховы навакольнага асяроддзя Рэспублікі Беларусь Андрэю Паўлавічу Худыку.
Кіраўнік ведамства высока ацаніў працу Белгідрамета і падзякаваў работнікаў за прафесіяналізм і дасягнутыя вынікі, адзначыў годных спецыялістаў з ліку работнікаў Белгідрамета, імёны якіх у бягучым годзе былі занесены на Дошку гонару Мінпрыроды.
Міністрам былі агучаны віншавальныя адрасы Прэм'ер-міністра Рэспублікі Беларусь Рамана Галоўчанка і Старшыні Савета Рэспублікі Нацыянальнага сходу Рэспублікі Беларусь Наталлі Качанавай.
Кіраўнік ведамства звярнуў увагу на неабходнасць працягу ўдасканалення функцыянавання гідраметэаралагічнай службы Рэспублікі Беларусь, а таксама рэзюмаваў, што бягучая сітуацыя ў Еўрапейскім рэгіёне не павінна разглядацца як перашкода ў развіцці, а быць стымулам для вызначэння найбольш эфектыўных спосабаў вырашэння пастаўленых задач.
Віншаванні з нагоды святочнай даты і самыя шчырыя пажаданні прагучалі ў гэты дзень ад асобы начальніка Белгідрамета Аляксандра Валер'евіча Канавальчыка і старшыні прафсаюзнага камітэта Белгідрамета Наталлі Аляхновіч.
Прыемным сюрпрызам стала святочная канцэртная праграма, падораная прафсаюзам работнікам Белгідрамета ў гонар прафесійнага свята.
Зала вельмі ажывілася, убачыўшы ў гасцях на святочнай праграме вопытнага і крэатыўнага шоўмэна і вядучага праграмы «Тэлебарометр» Белтэлерадыёкампаніі Дзмітрыя Карася.
Артысты шоу "Алюр" цёпла віталі ўсіх гледачоў. Яркія касцюмы, прафесійныя спевы і танцы, жывая гульня на музычных інструментах - усё гэта нікога не пакінула абыякавым, прысутныя ў зале не маглі ўсядзець на месцы і танцавалі разам з артыстамі.
Пышнае відовішчнае егіпецкае шоу Танура пад зачаравальную ўсходнюю музыку ў выкананні лепшага артыста з Егіпта Свераса стала для ўсіх незабыўным і незвычайным падарункам.
Выступленні артыстаў паднялі настрой гледачам і пакінулі ў душы самыя прыемныя пазітыўныя ўражанні.
Трэба адзначыць, што ў рамках правядзення святочных мерапрыемстваў, падтрымліваючы штогадовую традыцыю, у фае галоўнага корпуса Белгідрамета па ініцыятыве прафсаюзнага камітэта была арганізавана выстава творчасці, прысвечаная прафесійнаму святу. На выставе прадстаўлены работы дэкаратыўна-прыкладнога і выяўленчага мастацтва, выкананыя работнікамі Белгідрамета і іх дзецьмі. У гэты раз у выставе прынялі ўдзел больш за 45 чалавек. Прадстаўленыя працы сталі выдатным дадаткам да свята, уразілі наведвальнікаў выставы і пакінулі яркае сонечнае святло ў душы кожнага.
Святкаванне прафесійнага Дня метэаролагаў штогод праходзіць па-асабліваму. Вось і на гэты раз свята атрымалася на славу! Кіраўніцтва і прафсаюз Белгідрамета пастараліся, каб свята прайшло ярка, маляўніча і запомнілася надоўга!
Спецыялізаваныя сайты
Iнфармацыйныя iнтэрнэт-парталы
Iнтэрнэт-партал Прэзiдэнта Рэспублiкi Беларусь
Міністэрства прыродных рэсурсаў і аховы навакольнага асяроддзя Рэспублікі Беларусь
Бiяметрычныя дакументы Рэспублікі Беларусь
Нацыянальны прававы Інтэрнэт-партал Рэспублікі Беларусь
Нацыянальны цэнтр інтэлектуальнай уласнасці
Беларускі прафсаюз работнікаў лесу і прыродакарыстання
Мінская абласная арганізацыя Беларускага прафсаюза работнікаў лесу і прыродакарыстання
Афіцыйныя геральдычныя сімвалы Рэспублікі Беларусь