БЕЛГIДРAМЕТ

17 чэрвеня у Белгідрамеце прайшла рабочая сустрэча з дэлегацыяй метэаралагічнай арганізацыі Ірана, а таксама прадстаўнікамі ПАО "НВА "Алмаз" імя акадэміка А.А.Расплеціна" і ТАА "Інстытут радарнай метэаралогіі".

Беларускі бок узначаліў начальнік Белгідрамета Сяргей Хільман. Вітаючы гасцей, Сяргей Хільман адзначыў, што для Белгідрамета вялікі гонар прымаць прадстаўнікоў Ісламскай Рэспублікі Іран і Расійскай Федэрацыі ў сваіх сценах. Ён падкрэсліў, што Беларусь, Іран і Расію звязваюць даўнія дружалюбныя адносіны і высокі ўзровень палітычнага дыялогу, а беларуская гідраметэаралагічная служба гатова ўнесці свой уклад у развіццё шматбаковага супрацоўніцтва ў галіне метэаралогіі. Таксама начальнік Белгідрамета коратка распавёў пра сучасныя магчымасці беларускай назіральнай сеткі, якая за апошнія гады прайшла маштабную мадэрнізацыю.

Расійскія калегі з ТАА "Інстытут радарнай метэаралогіі", першы намеснік дырэктара Мікалай Бачарнікаў і намеснік дырэктара па метэаралагічнай радыёлакацыі Аляксандр Лялюшкін, прадэманстравалі асноўныя тэхнічныя магчымасці лічбавай платформы "МетэаКуб", у тым ліку новыя сродкі візуалізацыі метэаралагічных параметраў.
Начальнік службы метэаралагічных прагнозаў Марына Грыцкевіч распавяла Іранскай дэлегацыі аб выкарыстанні радыёлакацыйных дадзеных, якія атрымліваюцца з дапамогай аўтаматызаванага метэаралагічнага радыёлакацыйнага комплексу "Метэаячэйка", у працы гідраметэаралагічнай службы Рэспублікі Беларусь.
Спецыялісты Белгідрамета таксама адзначылі перавагі дадзеных сістэм, падкрэсліўшы іх эфектыўнасць.

У сваю чаргу, начальнік службы сувязі і тэлекамунікацый Ігар Біруля паказаў функцыянальныя магчымасці цэнтра збору і апрацоўкі метэаралагічнай інфармацыі Белгідрамета.
Асаблівая ўвага ў ходзе сустрэчы была ўдзелена рабоце доплераўскага метэаралагічнага радыёлакатара (ДМРЛ).

На сённяшні дзень у Беларусі функцыянуюць пяць сучасных ДМРЛ – у аэрапортах Мінска, Брэста, Віцебска, Гродна і Гомеля. Радыус агляду кожнага з іх дасягае 200 кіламетраў, а назіранні праводзяцца кожныя 10 хвілін, ахопліваючы ўсю тэрыторыю краіны.

У рамках дзелавой праграмы госці наведалі ДМРЛ Мінск, размешчаны ў раёне Нацыянальнага аэрапорта Мінск, дзе галоўны інжынер Белгідрамета Яўген Маеўскі сумесна з начальнікам службы авіяцыйна-метэаралагічнага забеспячэння Андрэем Петрачэнка і іншымі спецыялістамі падрабязна распавялі пра асаблівасці эксплуатацыі і тэхнічнае абсталяванне лакатара, а таксама адказалі на ўсе пытанні аб радыёлакацыйнай сетцы Беларусі.
Сустрэча з іранскімі і расійскімі калегамі прайшла ў сяброўскай абстаноўцы і стала яшчэ адным крокам на шляху да ўмацавання прафесійных сувязяў паміж гідраметэаралагічнымі службамі трох краін.