Сацыяльны экалагічны праект «Добрая авоська»

Унітарнае прадпрыемства «Кока-Кола Беўрыджыз Беларусь» сумесна з грамадскім аб'яднаннем «Беларускае таварыства інвалідаў па зроку» прэзентавалі экалагічны сацыяльны праект "Добрая авоська".

Новы праект прадставіў грамадскасці А.П.Дзянісаў, генеральны дырэктар Кока-Кола Беўрыджыз Беларусь, у рамках цырымоніі адкрыцця 9-ай Міжнароднай навуковай канферэнцыі «Сахараўскія чытанні 2019 года: экалагічныя праблемы ХХІ стагоддзя». У сваім выступе Аляксандр Пятровіч падкрэсліў жаданне прадпрыемства адрадзіць добрую традыцыю пляцення авосек. Праект закліканы ажыццявіць дзве асноўныя функцыі: экалагічную, накіраваную на скарачэнне выкарыстання пластыкавых пакетаў, і сацыяльную – магчымасць працаўладкавання жанчын са слабым зрокам. Падчас прэзентацыі праекта адбылося яркае Fashion Show з удзелам студэнтак інстытута ім.Сахарава, якія прадэманстравалі модны і стыльны аксэсуар удзельнікам канферэнцыі.

– Цалкам адмовіцца ад аднаразовай упакоўкі хваравіта для спажыўцоў, – тлумачыць першы намеснік генеральнага дырэктара ўнітарнага прадпрыемства «Кока-Кола Беўрыджыз Беларусь» Андрэй Рашчупкін. - Сусветны трэнд-паступовы пераход на шматразовую, экалагічную тару. Не толькі за кошт забаронаў і новых стандартаў, а, у тым ліку, і выхавання спажыўцоў. Авоська-зручная альтэрнатыва пластыкаваму пакету. Яна недарагая, практычная, кампактная, хутка сціраецца і сушыцца. Наша кампанія ўдзельнічае ў гэтым праекце, так як занепакоена ростам пластыкавых адходаў. Асабліва тых, якія не падлягаюць перапрацоўцы. Мэта праекта-прапанаваць беларусам прыгожую, стыльную і зручную альтэрнатыву.

У некаторых краінах авоська з'яўляецца хітом продажаў у сегменце гаспадарчых сумак. Яна не толькі зручная для здзяйснення пакупак, але можа і з'яўляцца модным аксэсуарам, які падкрэслівае індывідуальнасць уладальніка. Вядучыя еўрапейскія модныя дамы прадстаўляюць нават свае калекцыі гаспадарчых сумак. У тым ліку, і авосек. Кошт плеценай сумкі пад знакамітым брэндам можа дасягаць некалькіх сотняў і нават тысяч даляраў.

- З нашым партнёрам мы ставілі задачу стварыць і ўкараніць у вытворчасць даступную авоську, – кажа Марына Бароўка, намеснік генеральнага дырэктара па сувязях з грамадскасцю Кока-Кола Беўрыджыз Беларусь. – Добрая авоська абыйдзецца спажыўцу ў некалькі рублёў. І зможа замяніць да 200 пластыкавых пакетаў у год. Акрамя істотнай эканоміі, карыстаючыся менавіта «Добрай авоськай», вы дапамагаеце працаўладкаванню людзей са слабым зрокам жанчын, якія іх плятуць. Напрыклад, першая партыя сплецена жанчынай з Навагрудка. Таксама спадзяемся, што да праекта праявяць цікавасць буйныя беларускія гандлёвыя сеткі, якія за кошт увядзення ў асартымент плеценых гаспадарчых сумак змогуць пацвердзіць свой статус сацыяльна і экалагічна адказных кампаній, а таксама прапанаваць сваім пакупнікам цікавы тавар.

Дзякуючы цеснаму супрацоўніцтву ўнітарнага прадпрыемства «Кока-Кола Беўрыджыз Беларусь» з Міжнародным дзяржаўным экалагічным Інстытутам ім.А.Д.Сахарава БДУ і Міністэрствам прыродных рэсурсаў і аховы навакольнага асяроддзя Рэспублікі Беларусь добрыя авоські былі ўпершыню прадстаўлены ўдзельнікам экалагічнай канферэнцыі ў Мінску і ХV Экалагічнага форуму ў Навагрудку. Студэнткі і зусім юныя эколагі арганізавалі fashion show і прадэманстравалі больш чым 15 тыс. удзельнікам, якой практычнай і зручнай можа быць альтэрнатыва аднаразоваму пакету.

Па матэрыялах сайтаў:

Кока-Кола Беўрыджыз Беларусь і БелТА

Спецыялізаваныя сайты

Iнфармацыйныя iнтэрнэт-парталы

Iнтэрнэт-партал Прэзiдэнта Рэспублiкi Беларусь Міністэрства прыродных рэсурсаў і аховы навакольнага асяроддзя Рэспублікі Беларусь Бiяметрычныя дакументы Рэспублікі Беларусь Нацыянальны прававы Інтэрнэт-партал Рэспублікі Беларусь Нацыянальны цэнтр інтэлектуальнай уласнасці Беларускі прафсаюз работнікаў лесу і прыродакарыстання Афіцыйныя геральдычныя сімвалы Рэспублікі Беларусь Мінская абласная арганізацыя Беларускага прафсаюза работнікаў лесу і прыродакарыстання