30.09.2021
Прагнозная інфармацыя аб мінімальных узроўнях вады на рэках у кастрычніку 2021 года
Агляд воднага рэжыму рэк у верасні
У першай дэкадзе верасня на рэках пераважаў спад узроўняў вады. Выпадзенне ападкаў у другой дэкадзе (у сярэднім па краіне выпала 54,9 мм ападкаў, што склала 276% дэкаднай кліматычнай нормы, залішняе ўвільгатненне адзначалася па ўсёй тэрыторыі краіны, найбольшая дэкадная колькасць ападкаў (361% нормы) адзначана на тэрыторыі Гродзенскай вобласці) абумовіла павышэнне ўзроўняў вады на ўсіх рэках краіны.
У трэцяй дэкадзе рост узроўняў вады працягваўся, у сувязі з чым на рэках Рось у в.Студзянец (прыток Нёмана) і Бесядзь ў в.Свяцілавічы (прыток Сожа) ўзроўні вады перавысілі адзнакі выхаду вады на пойму, а на суднаходных участках Заходняй Дзвіны, Нёмана, Дняпра, Бярэзіны і Сожа палепшыліся ўмовы для працы рачнога транспарту.
У верасні воднасць большасці рэк была блізка да нормы, менш яе на 30-35% была воднасць Прыпяці, а воднасць Заходняй Дзвіны апынулася ў два разы менш звычайнай для гэтага часу года.
У цяперашні час на большасці рэк краіны працягваецца рост узроўняў вады. На рэках Рось каля в.Студзянец (прыток Нёмана), Лясная ў г.Камянец (прыток Заходняга Буга) і Бесядзь каля в.Свяцілавічы (прыток Сожа) ўзроўні вады перавышаюць адзнакі выхаду вады на пойму.
Прагнозная інфармацыя аб мінімальных узроўнях вады ў кастрычніку
У кастрычніку мінімальныя ўзроўні вады на рэках прагназуюцца ў асноўным блізкімі да сярэдніх шматгадовых значэнняў, толькі на Нёмане, у вярхоўях Дняпра і Сожа некалькі вышэй іх.
Iнфармацыйныя iнтэрнэт-парталы
Iнтэрнэт-партал Прэзiдэнта Рэспублiкi Беларусь
Міністэрства прыродных рэсурсаў і аховы навакольнага асяроддзя Рэспублікі Беларусь
Бiяметрычныя дакументы Рэспублікі Беларусь
Нацыянальны прававы Інтэрнэт-партал Рэспублікі Беларусь
Нацыянальны цэнтр інтэлектуальнай уласнасці
Беларускі прафсаюз работнікаў лесу і прыродакарыстання
Афіцыйныя геральдычныя сімвалы Рэспублікі Беларусь
Мінская абласная арганізацыя Беларускага прафсаюза работнікаў лесу і прыродакарыстання