БЕЛГIДРAМЕТ

Ru Be En

Галоўная / Аб Белгідрамеце / Прэс-цэнтр / Навіны і падзеі

11.11.2026

Лекцыя па пажарнай бяспецы ў Белгідрамеце

11 лістапада ў Белгідрамеце адбылася лекцыя па правілах пажарнай бяспекі.

Мерапрыемства стала часткай сістэмнай работы па забеспячэнні бяспечных умоў працы і павышэнню дасведчанасці супрацоўнікаў аб мерах прадухілення надзвычайных сітуацый. Асноўная мэта мерапрыемства - нагадаць, што пажар лягчэй прадухіліць, чым патушыць, і што бяспека пачынаецца з уважлівасці кожнага.

Спікерам выступіў галоўны спецыяліст сектара арганізацыі функцыянавання дзяржаўнай сістэмы папярэджання і ліквідацыі надзвычайных сітуацый і грамадзянскай абароны Першамайскага раённага аддзела па надзвычайных сітуацыях (РАНС) г.Мінска Аляксей Неменка.

У сваім выступе эксперт акцэнтаваў увагу на ключавых аспектах супрацьпажарнай бяспекі і падзяліўся практычнымі рэкамендацыямі, заснаванымі на рэальным вопыце работы выратавальных служб.
У ходзе лекцыі Аляксей Уладзіміравіч пазначыў асноўныя прычыны ўзнікнення пажараў, найбольш распаўсюджаных ў бытавых і вытворчых умовах:
- неасцярожнае абыходжанне з агнём пры курэнні;
- дзіцячае свавольства з агнём;
- эксплуатацыя печаў, уключаючы няспраўнасць коміна;
- парушэнні пры эксплуатацыі электрычных сетак і энергаабсталявання.

Асаблівую ўвагу спікер надаў прафілактыцы ўзгаранняў: ён не толькі падрабязна разабраў кожную з названых прычын, але і паказаў навучальныя відэаролікі з цыклу «5 асноўных прычын пажараў і як іх пазбегнуць».

Наглядныя матэрыялы дазволілі слухачам убачыць тыповыя памылкі, якія могуць прывесці да трагедыі, і зразумець, як своечасова прадухіліць небяспечныя сітуацыі.
Значнай часткай выступу сталі тлумачэнні па правілах карыстання схемамі эвакуацыі з будынкаў. Аляксей Уладзіміравіч наглядна прадэманстраваў, як правільна счытваць ўмоўныя абазначэнні. Спікер падкрэсліў, што ў стрэсавай сітуацыі чалавек дзейнічае на аўтамаце, таму крытычна важна загадзя вывучыць план эвакуацыі свайго паверха і запомніць маршрут.

Падобныя сустрэчы дапамагаюць фарміраваць культуру бяспекі і нагадваюць, што асабістая адказнасць - аснова абароны жыцця і здароўя.