Інфармацыя аб гідраметэаралагічнай абстаноўцы ў басейнах рэк Рэспублікі Беларусь, якая склалася ў лютым 2021 года

У лютым сярэднямесячная тэмпература паветра склала -6,5°С, што ніжэй за кліматычную норму на 2,2°С. Адмоўная анамалія тэмпературы паветра пашырылася паўсюдна.

Першая і другая дэкады месяца былі вельмі халоднымі са сярэднедэкаднымі тэмпературамі на 4,4°С і 6,0°С ніжэй нормы адпаведна. Трэцяя дэкада была вельмі цёплай з сярэдняй тэмпературай на 5,5°С вышэй за норму.

У лютым колькасць ападкаў у сярэднім па Беларусі склала 38,7 мм або 111% кліматычнай нормы. Лішак ападкаў адзначаўся на большай частцы тэрыторыі краіны. Найбольшая колькасць ападкаў выпала ў Магілёўскай і Гомельскай абласцях – у сярэднім 57,9 мм (175% кліматычнай нормы) і 55,9 мм (164% кліматычнай нормы) адпаведна, найменшая ў Віцебскай вобласці – у сярэднім па вобласці 21,6 мм (54% кліматычнай нормы).

На працягу месяца ападкі выпадалі нераўнамерна. У першай дэкадзе адзначалася залішняе ўвільгатненне (выпала 21,9 мм або 178% нормы за дэкаду), у другой дэкадзе рэжым увільгатнення быў блізкі да звычайнага (12,4 мм або 105% нормы), у трэцяй адзначаўся недабор ападкаў (4,5 мм або 41%).

У лютым амаль паўсюдна на рэках краіны назіраўся ледастаў таўшчынёй да 35 см, месцамі ў ледзяным покрыве адзначаліся палонкі. На вадасховішчах Вілейскае, Чыгірынскае, Заслаўскае, Салігорскае, Чырвоная Слабада, азёрах Лукомскае, Дрывяты, Нарач і Чырвонае назіралася суцэльнае ледзяное покрыва таўшчынёй да 40 см. У трэцяй дэкадзе лютага, у выніку павышэння тэмпературы паветра, на водных аб'ектах краіны пачаліся працэсы разбурэння лёду.

У першых двух дэкадах месяца адзначаліся невялікія ваганні ўзроўняў вады, у трэцяй дэкадзе ўмовы надвор'я спрыялі раставанню снежнага і лядовага покрываў, у выніку чаго на большасці рэк краіны адзначаўся рост узроўняў вады. На асобных участках рэк басейнаў Нёмана, Віліі, Дняпра, Бярэзіны, Сожа і Прыпяці ўзроўні вады перавышалі адзнакі выхаду вады на пойму.

Да канца лютага воднасць Віліі, Заходняга Буга, Прыпяці, а таксама Нёмана ля г.Стоўбцы і Дняпра на ўчастку Орша – Магілёў была блізкая да звычайнай для гэтага часу года, воднасць Заходняй Дзвіны, Бярэзіны, Сожа і Дняпра на ўчастку Жлобін – Рэчыца была больш за норму, а менш за норму была воднасць Нёмана на ўчастку Беліца – Гродна.

Спецыялізаваныя сайты і сайты Філіялаў

Iнфармацыйныя iнтэрнэт-парталы

Iнтэрнэт-партал Прэзiдэнта Рэспублiкi Беларусь Міністэрства прыродных рэсурсаў і аховы навакольнага асяроддзя Рэспублікі Беларусь Бiяметрычныя дакументы Рэспублікі Беларусь Нацыянальны прававы Інтэрнэт-партал Рэспублікі Беларусь Нацыянальны цэнтр інтэлектуальнай уласнасці Беларускі прафсаюз работнікаў лесу і прыродакарыстання Афіцыйныя геральдычныя сімвалы Рэспублікі Беларусь Мінская абласная арганізацыя Беларускага прафсаюза работнікаў лесу і прыродакарыстання