05.08.2022
Дзень экалогіі ў НДЦ "Зубренок"
4 жніўня ў НДЦ «Зубренок» ва ўрачыстай абстаноўцы прайшоў Дзень экалогіі. Пад эгідай Міністэрства прыродных рэсурсаў і аховы навакольнага асяроддзя Рэспублікі Беларусь на тэрыторыі цэнтра разгарнуўся комплекс мерапрыемстваў, прысвечаных экалагічнай тэматыцы: мабільная экалагічная лабараторыя, разумны "Дом экалагічнай асветы", семінары з удзелам спецыялістаў Мінпрыроды, квэсты экалагічнай тэматыкі, конкурс на збор другаснай сыравіны і многія іншыя.
У мерапрыемстве прынялі ўдзел і спецыялісты Белгідрамета. Хлопцы з 7 і 8 атрадаў корпуса "Сонечны", 2 і 3 атрадаў корпуса "Азёрны прычал" паставілісь да тэматычнай прэзентацыі "Навакольнае асяроддзе пад наглядам Белгідрамета!" з увагай і цікавасцю, праяўлялі свае веды аб клімаце, стане надвор'я, экалогіі нашай краіны на працягу ўсёй сустрэчы. Паступова мерапрыемства перарасло ў дыялогавую пляцоўку паміж спецыялістамі і навучэнцамі, дзе кожны мог выказацца па тэматычных пытаннях.
У прэзентацыі была закранутая тэма бяспекі падчас неспрыяльных гідраметэаралагічных з'яў, якія адбываюцца ў летні перыяд. Абмен думкамі дазволіў замацаваць веды аб ступені небяспекі тых ці іншых з'яў надвор'я і неабходных дзеяннях падчас іх з'яўлення.
У завяршэнні мерапрыемства традыцыйна праводзілася віктарына на тэму "Экалагічная асвета", пераможцам якой былі ўручаны памятныя сувеніры ад Белгідрамета. Акрамя таго, усе ўдзельнікі атрымалі буклеты, якія змяшчаюць інфармацыю аб каляровым кодзе ступені небяспекі з'яў надвор'я і рэкамендацыі аб правілах паводзін у экстрэмальных умовах надвор'я.
Добрае сонечнае надвор'е спрыяльна спрыяла правядзенню сустрэч і дапамагла пакінуць станоўчыя эмоцыі ад мерапрыемства.
Спецыялізаваныя сайты і сайты Філіялаў
Iнфармацыйныя iнтэрнэт-парталы
Iнтэрнэт-партал Прэзiдэнта Рэспублiкi Беларусь
Міністэрства прыродных рэсурсаў і аховы навакольнага асяроддзя Рэспублікі Беларусь
Бiяметрычныя дакументы Рэспублікі Беларусь
Нацыянальны прававы Інтэрнэт-партал Рэспублікі Беларусь
Нацыянальны цэнтр інтэлектуальнай уласнасці
Беларускі прафсаюз работнікаў лесу і прыродакарыстання
Афіцыйныя геральдычныя сімвалы Рэспублікі Беларусь
Мінская абласная арганізацыя Беларускага прафсаюза работнікаў лесу і прыродакарыстання