БЕЛГIДРAМЕТ

Ru Be En

Галоўная / Аб Белгідрамеце / Прэс-цэнтр / Навіны і падзеі

04.09.2026

Белгідрамет прыняў удзел у экалагічным мерапрыемстве Мінпрыроды і Беларускай Праваслаўнай Царквы

4 верасня 2026 года адбылося значнае экалагічнае мерапрыемства, арганізаванае Міністэрствам прыродных рэсурсаў і аховы навакольнага асяроддзя сумесна з Беларускай Праваслаўнай Царквой.

Мерапрыемства было прымеркавана да Дня малітвы аб Божым стварэнні і прайшло на тэрыторыі храмавага комплексу ў гонар іконы Божай Маці "Усіх тужлівых Радасць" у Мінску.

У мерапрыемстве прынялі ўдзел мітрапаліт Мінскі і Заслаўскі, Патрыяршы Экзарх усяе Беларусі Веніямін, намеснік Міністра прыродных рэсурсаў і аховы навакольнага асяроддзя Рэспублікі Беларусь Аляксей Стасюкевіч, начальнік Белгідрамета Сяргей Хільман і іншыя высокапастаўленыя асобы. Ва ўрачыстай абстаноўцы яны заклалі алею горнай хвоі. На тэрыторыі храмавага комплексу было высаджана 5 саджанцаў.

Праграма мерапрыемства ўключала ў сябе:

- малебен аб захаванні тварэння Божага;
- выступленні прадстаўнікоў Мінпрыроды і Беларускай Праваслаўнай Царквы;
- дыялогавую пляцоўку па пытаннях экалагічнага служэння;
- майстар-класы для дзяцей і моладзі.

Асаблівая ўвага была ўдзелена ўзаемадзеянню моладзі з экалагічнымі і духоўнымі аспектамі захавання прыроды. У мерапрыемстве прынялі ўдзел больш за 100 чалавек, уключаючы навучэнцаў нядзельных школ, прадстаўнікоў маладзёжных арганізацый і актыўную моладзь сталіцы.
Мерапрыемства стала яскравым прыкладам паспяховага супрацоўніцтва дзяржаўных структур і рэлігійных арганізацый у справе аховы навакольнага асяроддзя і экалагічнай асветы насельніцтва.

Топ-фота ўзята з інтэрнэт-крыніц