БЕЛГIДРAМЕТ

Ru Be En

Галоўная / Аб Белгідрамеце / Прэс-цэнтр / Навіны і падзеі

28.11.2019

Белгідрамет наведалі дэпутаты Палаты прадстаўнікоў Нацыянальнага сходу Рэспублікі Беларусь

28 лістапада 2019 года ў Белгідрамеце адбылася сустрэча з дэпутатамі Палаты прадстаўнікоў Нацыянальнага сходу Рэспублікі Беларусь, у асобе старшыні камісіі па пытаннях экалогіі, прыродакарыстання і чарнобыльскай катастрофы Кананчук Таццяны Пятроўны і іншых членаў дадзенай камісіі.

З боку Белгідрамета ў сустрэчы прынялі ўдзел: Лабазнаў Раман Юр'евіч (начальнік Белгідрамета), Клімовіч Алег Леанідавіч (першы намеснік начальніка), Кузьміч Святлана Андрэеўна (намеснік начальніка) і кіраўнікі структурных падраздзяленняў Белгідрамета.

Падчас мерапрыемства дэпутаты Палаты прадстаўнікоў Нацыянальнага сходу Рэспублікі Беларусь былі азнаёмленыя з гісторыяй ўтварэння, асноўнымі напрамкамі дзейнасці, вытворчымі практыкамі і перспектывамі развіцця Белгідрамета.

У мэтах больш дэталёвага і глыбокага разумення спецыфікі дзейнасці Белгідрамета для дэпутатаў Палаты прадстаўнікоў Нацыянальнага сходу Рэспублікі Беларусь быў праведзены шэраг вытворчых экскурсій з наведваннем службы метэаралагічных прагнозаў і службы радыяцыйнага маніторынгу.

Падчас экскурсій работнікі Белгідрамета азнаёмілі дэпутатаў з практыкай і асаблівасцямі вытворчасці метэаралагічных прагнозаў, а таксама радыяцыйнага маніторынгу ў Рэспубліцы Беларусь.