26.03.2019
Акцыя "Гадзіна Зямлі" пройдзе 30 сакавіка з 20.30 да 21.30
Мінскі гарадскі камітэт прыродных рэсурсаў і аховы навакольнага асяроддзя заклікае ўсіх неабыякавых прыняць удзел у глабальнай акцыі "Гадзіна Зямлі" і адключыць святло 30 сакавіка на 1 гадзіну з 20-30 да 21-30.
Гадзіна Зямлі - міжнародная акцыя, падчас якой Сусветны фонд дзікай прыроды заклікае выключыць святло і бытавыя электрапрыборы на адну гадзіну ў знак неабыякавасці да будучыні планеты. У гэты ж час згасае падсвятленне самых вядомых будынкаў і помнікаў свету. Сёлета акцыя пройдзе ў Беларусі ўжо 11 разоў. Мэта Гадзіны Зямлі не ў тым, каб зэканоміць электрычнасць. Дадзеная акцыя - гэта сімвал беражлівых адносіны да прыроды. З году ў год гэтае мерапрыемства дазваляе прыцягнуць увагу да неабходнасці адказнага стаўлення да прыроды.
Сёння Гадзіна Зямлі-гэта самая масавая экалагічная акцыя на планеце. У мінулым годзе ў ёй прыняло ўдзел больш за 2 млн. чалавек з 187 краін свету, было выключана падсвятленне больш чым 3100 архітэктурных аб'ектаў. У Беларусі мерапрыемствы прайшлі ў 22 населеных пунктах, было адключана падсвятленне цэнтральных архітэктурных аб'ектаў.
У мінулым годзе ў Мінску адключылі падсвятленне Нацыянальнай бібліятэкі, Нацыянальнага акадэмічнага Вялікага тэатра оперы і балета, Нацыянальнага акадэмічнага тэатра імя Янкі Купалы, Беларускай дзяржаўнай філармоніі, Нацыянальнага дзяржаўнага музея гісторыі Вялікай Айчыннай вайны, а таксама архітэктурную падсветку больш за 250 аб'ектаў.
Паколькі гэта абсалютна добраахвотная акцыя, людзі самі вырашаюць, колькі і якія прыборы яны выключаць, а гарадскія ўлады ініцыююць выключэнне падсвятлення гарадскіх аб'ектаў. Арганізатары акцыі ў мэтах бяспекі не рэкамендуюць адключаць вулічнае асвятленне, аэранавігацыйныя агні і святлафоры.
Выключыць святло на гадзіну не складана, але нават за такім сімвалічным дзеяннем варта магчымасць дапамагчы планеце, змяніўшы свае штодзённыя звычкі.
Як? Напрыклад, эканомна расходаваць электраэнергію і цяпло, беражліва ставіцца да вады і зрабіць выбар на карысць другаснай перапрацоўкі паперы і іншых матэрыялаў, тым самым скарачаючы выкіды парніковых газаў-галоўнай прычыны цяперашняга змянення клімату, што адпавядае палажэнням Дырэктывы Прэзідэнта Рэспублікі Беларусь №3 ад 14 чэрвеня 2007 года.
Спецыялізаваныя сайты
Iнфармацыйныя iнтэрнэт-парталы
Iнтэрнэт-партал Прэзiдэнта Рэспублiкi Беларусь
Міністэрства прыродных рэсурсаў і аховы навакольнага асяроддзя Рэспублікі Беларусь
Бiяметрычныя дакументы Рэспублікі Беларусь
Нацыянальны прававы Інтэрнэт-партал Рэспублікі Беларусь
Нацыянальны цэнтр інтэлектуальнай уласнасці
Беларускі прафсаюз работнікаў лесу і прыродакарыстання
Мінская абласная арганізацыя Беларускага прафсаюза работнікаў лесу і прыродакарыстання
Афіцыйныя геральдычныя сімвалы Рэспублікі Беларусь