БЕЛГIДРAМЕТ

Ru Be En

Галоўная / Аб Белгідрамеце / Прэс-цэнтр / Навіны і падзеі

30.09.2022

Агляд воднага рэжыму рэк у верасні і прагнозная інфармацыя аб мінімальных узроўнях вады ў кастрычніку

У першай палове верасня на рэках назіраліся невялікія ваганні ўзроўняў вады. Выпадзенне ападкаў у другой палове месяца абумовіла павышэнне узроўняў вады на большасці рэк краіны, у сувязі з чым на рацэ Рось у в.Студзянец (прыток Нёмана) узровень вады дасягаў адзнакі выхаду вады на пойму, а на Бярэзіне ў г.Светлагорск, Прыпяці ў в.Чэрнічы і г.Мазыр палепшыліся ўмовы для працы рачнога транспарту.

У верасні воднасць Дняпра, Бярэзіны і Сожа была блізкая да звычайнай для гэтага часу года і некалькі менш яе, а воднасць Заходняй Дзвіны, Нёмана, Віліі і Прыпяці апынулася ў два разы менш за норму.

У цяперашні час на рэках краіны пераважае рост узроўняў вады. Неспрыяльныя ўмовы для працы рачнога транспарту адзначаюцца на Заходняй Дзвіне ў г.Віцебск, Нёмане ў г.Гродна, Дняпры ў г.Магілёў, г.Жлобін, г.Рэчыца і г.п.Лоеў, Бярэзіне ў г.Бабруйск і г.Светлагорск, Сожы ў г.Крычаў, г.Слаўгарад і г.Гомель.

Прагнозная інфармацыя аб мінімальных узроўнях вады ў кастрычніку

У кастрычніку значэння мінімальных узроўняў вады ў рэках прагназуюцца ніжэй сярэдніх шматгадовых значэнняў для гэтага месяца.

Пры выкарыстанні інфармацыі спасылка на Белгідрамет абавязкова