28.07.2022
Агляд воднага рэжыму рэк у ліпені і прагнозная інфармацыя аб мінімальных узроўнях вады ў жніўні
Агляд воднага рэжыму рэк у ліпені
У ліпені на рэках краіны адзначаліся ваганні ўзроўняў вады на Заходняй Дзвіне ў г.Віцебск і Дняпры ў г.Жлобін узроўні вады апусціліся ніжэй адзнак, лімітуючых суднаходства. На працягу месяца на непрацяглы час узроўні вады апускаліся ніжэй небяспечных нізкіх адзнак на Дняпры ў г.Рэчыца, Бярэзіне ў г.Бабруйск, Сожы ў г.Крычаў і г.Слаўгарад. На прытоку Нёмана рацэ Рось у в.Студзянец і прытоку Заходняга Буга рацэ Лясная ў г.Камянец узроўні вады перавысілі адзнакі выхаду вады на пойму, а на Віліі ў в.Сцешыцы і прытоку Бярэзіны рацэ Бобр у в.Куты вада знаходзілася на пойме кароткі перыяд часу.
У канцы ліпеня воднасць Віліі і Нёмана ў г.Гродна аказалася больш за норму на 20-30%, на Сожы воднасць была вышэй звычайнай для гэтага часу года на 40-70%, воднасць Дняпра, Бярэзіны і Нёмана на ўчастку Стоўбцы-Масты аказалася блізкая да нормы і некалькі ніжэй яе, а на Заходняй Дзвіне і Прыпяці значна менш за норму.
У ліпені сярэдняя тэмпература вады ў рэках склала 18-23ºС, што блізка да звычайнай для гэтага часу года.
На дату складання прагнозу на рэках краіны назіраюцца ваганні ўзроўняў вады з сутачнай інтэнсіўнасцю 1-17 см.
Неспрыяльныя ўмовы для работы рачнога транспарту назіраюцца на Заходняй Дзвіне у г.Віцебск, Нёмане ў г.Гродна, Дняпры ў г.Магілёў і г.Жлобін, Бярэзіне ў г.Бабруйск, Сожы каля г.Крычаў і г.Слаўгарад.
Узроўні вады перавышаюць адзнакі выхаду вады на пойму на прытоку Нёмана рацэ Рось, каля в.Студзянец і прытоку Заходняга Буга рацэ Лясная ў г.Камянец.
Прагнозная інфармацыя
аб мінімальных узроўнях вады ў жніўні
Мінімальныя ўзроўні вады на большасці рэк краіны прагназуюцца блізкімі да сярэдніх шматгадовых значэнняў для гэтай пары года, а на Заходняй Дзвіне, Прыпяці і Дняпры ў г.Магілёў – блізкімі да ніжэйшых шматгадовых значэнняў. На Дняпры ў г.Рэчыца, г.п.Лоеў, Бярэзіне ў г.Светлагорск, Сожы ў г.Гомель, Прыпяці ў в.Чэрнічы і г.Мазыр узроўні вады апусцяцца ніжэй адзнак, якія лімітуюць суднаходства.
Спецыялізаваныя сайты
Iнфармацыйныя iнтэрнэт-парталы
Iнтэрнэт-партал Прэзiдэнта Рэспублiкi Беларусь
Міністэрства прыродных рэсурсаў і аховы навакольнага асяроддзя Рэспублікі Беларусь
Бiяметрычныя дакументы Рэспублікі Беларусь
Нацыянальны прававы Інтэрнэт-партал Рэспублікі Беларусь
Нацыянальны цэнтр інтэлектуальнай уласнасці
Беларускі прафсаюз работнікаў лесу і прыродакарыстання
Мінская абласная арганізацыя Беларускага прафсаюза работнікаў лесу і прыродакарыстання
Афіцыйныя геральдычныя сімвалы Рэспублікі Беларусь