БЕЛГIДРAМЕТ

Ru Be En

Галоўная / Аб Белгідрамеце / Прэс-цэнтр / Навіны і падзеі

23.09.2021

Аб выніках маршрутнага абследавання атмасфернага паветра ў г.Мінск у рамках акцыі «Дзень без аўтамабіля»

У перыяд з 16 па 22 верасня 2021 года ў чарговы раз праходзіў Еўрапейскі тыдзень мабільнасці, у тым ліку 22 верасня 2021 года і гарадская экалагічная акцыя «Дзень без аўтамабіля».

У рамках акцыі службай маніторынгу навакольнага асяроддзя Белгідрамета Мінпрыроды 21 і 22 верасня было праведзена маршрутнае абследаванне стану атмасфернага паветра ў пунктах, узгодненых з Мінскім гарадскім камітэтам прыродных рэсурсаў і аховы навакольнага асяроддзя і наступнае выпрабаванне проб атмасфернага паветра.

21 верасня 2021 года ў раёне зоны рэкрэацыі (Музей валуноў), перасячэння вул.Я.Коласа і вул.Кульман і зоны адпачынку (парк Горкага) канцэнтрацыя фармальдэгіду склала – ад 0,4 да 0,6 ГДК, дыяксіду азоту – 0,2 ГДК і аксіду вугляроду - ад 0,06 да 0,2 ГДК.

22 верасня 2021 года назіралася зніжэнне ўзроўню забруджвання атмасфернага паветра. Так канцэнтрацыя дыяксіду азоту і фармальдэгіду ў двух кропках была ніжэй мяжы выяўлення метаду, канцэнтрацыя аксіду вугляроду склала ад 0,06 да 0,07 ГДК.

Канцэнтрацыя аксіду вугляроду, дыяксіду азоту і фармальдэгіду ў адабраных пробах атмасфернага паветра не перавысіла нармаваных значэнняў максімальна разавых канцэнтрацый у атмасферным паветры.