24-27 верасня 2018 года адбыўся візіт прадстаўнікоў Інстытута метэаралогіі і воднай гаспадаркі Дзяржаўнага навукова-даследчага інстытута Рэспублікі Польшча ў Белгідрамет

24-27 верасня 2018 года адбыўся візіт прадстаўнікоў Інстытута метэаралогіі і воднай гаспадаркі Дзяржаўнага навукова-даследчага інстытута Рэспублікі Польшча ў Белгідрамет у рамках 1-га пасяджэння беларуска-польскіх рабочых груп у сферы метэаралогіі, гідралогіі і авіяцыйнай метэаралогіі.

Прадстаўнікі польскай дэлегацыі азнаёміліся з дзейнасцю Філіяла "Брэстаблгідрамет", наведалі гідралагічны пост на р.Мухавец.

Падчас знаходжання ў Белгідрамеце абмеркавалі методыку ацэнкі якасці прагнозаў надвор'я і папярэджанняў аб неспрыяльных і небяспечных з'явах, крытэрыі ацэнкі прагнозаў, уключаючы выкарыстанне каляровых кодаў пры складанні папярэджанняў, спосабы давядзення інфармацыі да спажыўцоў, абвесткі пры пагрозе ўзнікнення неспрыяльных і небяспечных з'яў надвор'я.

У рамках візіту польская дэлегацыя наведала станцыю фонавага маніторынгу "Бярэзінскі запаведнік", дзе азнаёмілася і ацаніла асноўныя вынікі маніторынгу клімату і навакольнага прыроднага асяроддзя ў запаведніку.

Таксама бакі абмяняліся інфармацыяй аб гідралагічным прагназаванні, назіранні і апрацоўцы рэжымнай гідралагічнай інфармацыі, прэзентавалі структуру авіяцыйна-метэаралагічнай службы. Абмеркавалі пытанні аб практыцы метэаралагічнага абслугоўвання грамадзянскай авіяцыі ў Рэспубліцы Польшча, а таксама аб вопыце ўдзелу метэаралагічнай службы Польшчы ў працы профільных аддзяленняў Міжнароднай арганізацыі грамадзянскай авіяцыі(ICAO), працэдуру паўторнай ацэнкі кампетэнцыі персаналу авіяцыйна-метэаралагічнай службы і шэраг іншых важных пытанняў.

Спецыялізаваныя сайты

Iнфармацыйныя iнтэрнэт-парталы

Iнтэрнэт-партал Прэзiдэнта Рэспублiкi Беларусь Міністэрства прыродных рэсурсаў і аховы навакольнага асяроддзя Рэспублікі Беларусь Бiяметрычныя дакументы Рэспублікі Беларусь Нацыянальны прававы Інтэрнэт-партал Рэспублікі Беларусь Нацыянальны цэнтр інтэлектуальнай уласнасці Беларускі прафсаюз работнікаў лесу і прыродакарыстання Афіцыйныя геральдычныя сімвалы Рэспублікі Беларусь Мінская абласная арганізацыя Беларускага прафсаюза работнікаў лесу і прыродакарыстання