Агляд гідралагічнай абстаноўкі на 6 красавіка 2021 года

Па стане на 6 красавіка на азёрах Лукомскае, Дрывяты, Чырвонае, вадасховішчах Чыгірынскае і Салігорскае назіраецца няпоўны ледастаў, лёд растае на месцы.

Рост узроўняў вады з сутачнай інтэнсіўнасцю да 22 см адзначаецца на ўсім працягу Заходняй Дзвіны і Сожа, большым працягу Дняпра і ў вярхоўі Бярэзіны. На Прыпяці назіраецца роўны ход узроўняў вады і нязначны (2 см за суткі) іх рост. На Нёмане, Віліі і Заходнім Бугу адбываецца спад узроўняў вады з інтэнсіўнасцю 1-12 см за суткі, у выніку чаго на Нёмане ў г.Гродна ўзровень вады дасягнуў адзнакі, пры якой узнікаюць цяжкасці ў працы рачнога транспарту.

Вада знаходзіцца на пойме на прытоку Заходняга Буга рацэ Нараў каля в.Нямержа, Дняпры ў г.Лоеў, Бярэзіне ў г.Беразіно, яе прытоках рэках Свіслач у в.Церабуты і Сушанка у в.Суша, Сожы каля г.Крычаў і г.Слаўгарад, яго прытоках рэках Віхра ў г.Мсціслаў, Остэр у в.Ходунь, Проня ля в.Ляцягі, Бесядзь каля в.Свяцілавічы і Іпуць у г.Добруш, Прыпяці каля в.Чэрнічы, г.Петрыкаў, г.Мазыр і г.Нароўля, яе прытоках рэках Стыр у в.Лапаціна, Гарынь у в.Малыя Вікаравічы, Случ у в.Ленін, Сцвіга ў в.Каротцічы, Убарць у в.Краснабярэжжжэ і Пціч у в.1-я Слабодка.

На Прыпяці ў г.Петрыкаў узровень вады перавышае небяспечную высокую адзнаку на 3 см, тут адзначаецца роўны ход узроўню вады.

Узроўні вады блізкі да небяспечных высокіх адзнак: на прытоку Сожа рацэ Проня ў в.Ляцягі, да яе дасягнення застаецца 2 см, тут адзначаецца рост узроўню вады з інтэнсіўнасцю 5 см за суткі; на Прыпяці ў в.Чэрнічы, да яе дасягнення застаецца 14 см, тут назіраецца роўны ход узроўню вады.

У бліжэйшыя дні на рэках басейнаў Заходняй Дзвіны, Дняпра, Бярэзіны, Сожа і Прыпяці будзе пераважаць рост узроўняў вады, у выніку чаго на рацэ Проня ў в.Ляцягі ўзровень вады дасягне небяспечнай высокай адзнакі.

Спецыялізаваныя сайты і сайты Філіялаў

II Міжнародная выстава індустрыі бяспекі "Нацыянальная бяспека. Беларусь-2024"

Iнфармацыйныя iнтэрнэт-парталы

Iнтэрнэт-партал Прэзiдэнта Рэспублiкi Беларусь Міністэрства прыродных рэсурсаў і аховы навакольнага асяроддзя Рэспублікі Беларусь Бiяметрычныя дакументы Рэспублікі Беларусь Нацыянальны прававы Інтэрнэт-партал Рэспублікі Беларусь Нацыянальны цэнтр інтэлектуальнай уласнасці Беларускі прафсаюз работнікаў лесу і прыродакарыстання Афіцыйныя геральдычныя сімвалы Рэспублікі Беларусь Мінская абласная арганізацыя Беларускага прафсаюза работнікаў лесу і прыродакарыстання