БЕЛГIДРAМЕТ

Ru Be En

Галоўная / Інфармацыя / Iнфармацыя гідролага

31.07.2026

Агляд гідралагічнай абстаноўкі на 31 ліпеня2026 года

У мінулы перыяд (25-30 ліпеня) на рэках назіраліся ваганні ўзроўняў вады, на Дняпры ў г.Магілёў і Прыпяці ў в.Чэрнічы ўзроўні вады апусціліся ніжэй небяспечных нізкіх адзнак для суднаходства, а на Дняпры ў г.Рэчыца палепшыліся ўмовы для працы рачнога транспарту.
Па стане на 31 ліпеня рост узроўняў вады з сутачнай інтэнсіўнасцю 1-8 см назіраецца на Заходняй Дзвіне ў аг.Ула, Нёмане ў г.Гродна, Віліі ў г.Вілейка, Дняпры ў г.Жлобін, г.Рэчыца і на Бярэзіне ў г.Бабруйск. На астатнім працягу названых вышэй рэк, а таксама на Сожы і Прыпяці адбываецца спад узроўняў вады з інтэнсіўнасцю да 17 см за суткі.
На прытоку Нёмана рацэ Рось у в.Студзянец узровень вады перавышае адзнаку выхаду вады на пойму.
На Нёмане ў г.Гродна, Дняпры ў г.Магілёў, г.Жлобін і г.п.Лоеў, Бярэзіне ў г.Бабруйск і г.Светлагорск, Сожы ў г.Крычаў, г.Слаўгарад і г.Гомель, Прыпяці ў в.Чэрнічы і г.Мазыр назіраюцца цяжкасці ў працы рачнога транспарту.
Тэмпература вады знаходзіцца ў межах у рэках ад 15°C да 23°C, у вадаёмах – ад 20°C да 23°C.
У бліжэйшыя дні на рэках будзе назірацца ў асноўным спад узроўняў вады і роўны іх ход.