14.02.2024
Агляд гідралагічнай абстаноўкі на 13 лютага 2024 года
У мінулыя суткі ачысціліся ад ледзяных утварэнняў Нёман у аг.Беліца, Прыпяць у г.Петрыкаў, а таксама некаторыя прытокі Віліі і Бярэзіны.
Па стане на 13 лютага ледастаў і ледастаў з палонкамі захоўваецца на Дняпры, Бярэзіне, Сожы, большым працягу Заходняй Дзвіны, асобных участках Віліі, паўсюдна адзначаецца вада на лёдзе. На вадасховішчах Чыгірынскае, Заслаўскае, Вілейскае, Салігорскае, Чырвоная Слабада, азёрах Нарач, Лукомскае, Дрывяты і чырвонае назіраецца ледзяное покрыва, месцамі з'явіліся закраіны, перасоўвацца па лёдзе небяспечна.
На большасці рэк адзначаюцца ваганні узроўняў вады, а ў басейнах Заходняга Буга і Прыпяці адбываецца рост узроўняў вады з сутачнай інтэнсіўнасцю 1-6 см. На большасці рэк вада знаходзіцца на пойме.
На Прыпяці ў г.Петрыкаў, яе прытоках рэках Пціч у в.Першая Слабодка, Случ у аг.Ленін і Цна ў аг.Дзятлавічы ўзроўні вады перавышаюць небяспечныя высокія адзнакі. Ўзроўні вады блізкія да небяспечных адзнак на Нёмане ў г.Стоўбцы, яго прытоку рацэ Шчара ў г.Слонім, Прыпяці ў в.Чэрнічы, г.Мазыр і яе прытоку рацэ Убарць у в.Краснабярэжжа.
Па дадзеных МНС адзначаюцца затапленні прыбярэжных тэрыторый у большасці раёнаў Гомельскай вобласці, асобных раёнах Брэсцкай, Гродзенскай і Магілёўскай абласцях.
У найбліжэйшыя дні на рэках будуць назірацца ваганні ўзроўняў вады з тэндэнцыяй да павышэння. Умовы надвор'я будуць спрыяць раставанню ледзянога покрыва.
Пры выкарыстанні інфармацыі спасылка на Белгідрамет абавязкова
Iнфармацыйныя iнтэрнэт-парталы
Iнтэрнэт-партал Прэзiдэнта Рэспублiкi Беларусь
Міністэрства прыродных рэсурсаў і аховы навакольнага асяроддзя Рэспублікі Беларусь
Бiяметрычныя дакументы Рэспублікі Беларусь
Нацыянальны прававы Інтэрнэт-партал Рэспублікі Беларусь
Нацыянальны цэнтр інтэлектуальнай уласнасці
Беларускі прафсаюз работнікаў лесу і прыродакарыстання
Афіцыйныя геральдычныя сімвалы Рэспублікі Беларусь
Мінская абласная арганізацыя Беларускага прафсаюза работнікаў лесу і прыродакарыстання