БЕЛГIДРAМЕТ

Адрас: 220114, г. Мінск, пр. Незалежнасці, 110
Прыёмная: +375 17 373-22-31
E-mail: kanc@hmc.by
Канцылярыя: +375 17 357-95-43

Ru Be En

Галоўная / Інфармацыя / Iнфармацыя гідролага

12.03.2025

Агляд гідралагічнай абстаноўкі на 12 сакавіка 2025 года

У мінулыя суткі поўнасцю ачысціліся ад ледзяных утварэнняў Сож у г.Гомель, прыток Заходняй Дзвіны рака Обаль каля г.п.Обаль і вадасховішча Чырвоная Слабада.

Па стане на 12 сакавіка ледастаў з палонкамі назіраецца на Заходняй Дзвіне каля г.п.Сураж, а на яе прытоку рацэ Дрыса каля в.Дзярновічы адзначаюцца рэшткавыя забярэгі. На вадасховішчах Чыгірынскае, Заслаўскае, Вілейскае, Салігорскае, азёрах Нарач, Лукомскае, Дрывяты і Чырвонае назіраецца ледастаў з палонкамі і закраінамі, лёд мяняе сваю структуру і растае на месцы.

На Заходняй Дзвіне, Дняпры і Сожы адбываецца ў асноўным рост узроўняў вады з сутачнай інтэнсіўнасцю 1-32 см. На Нёмане, Віліі, Бярэзіне і Прыпяці назіраюцца невялікія (1-8 см за суткі) ваганні ўзроўняў вады.

У найбліжэйшыя дні істотных змяненняў ва ўзроўневым рэжыме рэк не чакаецца, прыток Заходняй Дзвіны рака Дрыса каля в.Дзярновічы поўнасцю ачысціцца ад ледзяных утварэнняў.