Нацыянальны Герб Рэспублiкi Беларусь Міністэрства прыродных рэсурсаў і аховы навакольнага асяроддзя Рэспублікі Беларусь Дзяржаўная ўстанова "Рэспубліканскі цэнтр па гідраметэаралогіі, кантролю радыеактыўнага забруджвання і маніторынгу навакольнага асяроддзя" БЕЛГIДРAМЕТ
Галоўная / Інфармацыя / Iнфармацыя кліматолага
05.02.2021

Кліматычная характарыстыка студзеня 2021 года

Сярэдняя па Рэспубліцы Беларусь тэмпература паветра студзеня 2021 года склала -4,1°С, што вышэй за кліматычную норму на 0,3°С.
У ранжыраваным шэрагу назіранняў ад самага цёплага да самага халоднага студзень 2021 года займае 41 месца, пачынаючы з 1881 года.

Адхіленне сярэдняй месячнай тэмпературы паветра студзеня
ад кліматычнай нормы па Рэспубліцы Беларусь

Станоўчыя адхіленні тэмпературы паветра ад кліматычнай нормы знаходзіліся ў межах ад 0,1°С у Гродзенскай вобласці да 0,6°С у Гомельскай вобласці.
На працягу студзеня сярэднясутачныя тэмпературы паветра ў асноўным знаходзіліся ў межах -6 +5°С, а ў самыя халодныя суткі месяца яны паніжаліся да -10 -15°С і ніжэй.
Абсалютны максімум тэмпературы паветра за месяц адзначаны 23 студзеня на станцыях Лельчыцы і Жыткавічы і склаў +10,4°С, абсалютны мінімум - 17 студзеня на станцыі Слуцк і склаў -28,7°С.
Тэмпературны рэжым на працягу месяца быў неаднародным. Вельмі цёплымі былі першая і трэцяя дэкада з сярэдняй тэмпературай паветра на 3,8 і 4,0°С вышэй за норму адпаведна. Другая дэкада была вельмі халоднай з тэмпературай паветра на 7,0°С ніжэй за норму.
Сярэдняя тэмпература паветра і кліматычная норма па дэкадах
у студзені 2021 года ў Рэспубліцы Беларусь

За месяц у сярэднім па Беларусі выпала 73,2 мм ападкаў, што складае 183% кліматычнай нормы за месяц. Па ўсёй тэрыторыі краіны за месяц выпала 1,5 - 2 нормы ападкаў. Найбольшая іх колькасць адзначана на тэрыторыі Мінскай вобласці – у сярэднім па вобласці 87,2 мм (208% кліматычнай нормы).

Колькасць ападкаў за студзень 2021 года і кліматычная норма
па абласцях і па тэрыторыі Беларусі

Ападкі выпадалі ў выглядзе дажджу, снегу і мокрага снегу. Максімальная сутачная колькасць ападкаў (32 мм) зарэгістравана ў Мінску 26 студзеня. Вышыня снежнага покрыва на апошні дзень месяца знаходзілася ў межах ад 5 да 44 см.
 

Спецыялізаваныя сайты и сайты Філіялаў