БЕЛГIДРAМЕТ

Ru Be En

Галоўная / Інфармацыя / Iнфармацыя кліматолага

05.10.2022

Кліматычная характарыстыка верасня 2022 года

Сярэдняя па Беларусі тэмпература паветра за верасень 2022 года склала +10,4°С, што ніжэй за кліматычную норму на 2,3°С. Верасень бягучага года стаў самым халодным за апошнія 20 гадоў.

Адхіленне сярэдняй тэмпературы паветра верасня за перыяд 1991-2022 гг.
ад кліматычнай нормы (+12,7°С)

Па ўсёй тэрыторыі краіны адзначалася адмоўная анамалія тэмпературы паветра, якая знаходзілася ў асноўным у межах ад 2,0 да 2,5°С, а па поўначы краіны адмоўнае адхіленне дасягала 3°С.
У абласным разрэзе найбольшыя значэнні адмоўнай анамаліі сярэднямесячнай тэмпературы паветра адзначаны ў Гомельскай вобласці (2,5°С), у Гродзенскай вобласці адхіленні былі найменшымі (2,1°С).

Адхіленне (°С) сярэдняй тэмпературы паветра верасня
ад кліматычнай нормы па тэрыторыі Беларусі

Першая дэкада верасня 2022 года была халоднай (на 4°С ніжэй за кліматычную норму) з сярэдняй тэмпературай паветра +10,5°С. Другая і трэцяя дэкады таксама былі халоднымі з адмоўнай анамаліяй тэмпературы паветра роўнай 1,6 і 1,3°С адпаведна.

Сярэдняя тэмпература паветра і кліматычная норма
па дэкадах верасня 2022 года па тэрыторыі Беларусі

Тэмпература паветра днём на працягу месяца ў асноўным складала + 10 + 20°С. Максімальнага значэння (+21,7°С) тэмпература паветра дасягнула днём 4 верасня на станцыі Брэст.
Тэмпература паветра ноччу на працягу месяца знаходзілася ў асноўным у межах + 1 + 10°С. У самыя халодныя ночы тэмпература паветра месцамі апускалася да адмоўных значэнняў. Мінімальная тэмпература паветра адзначана на станцыі Бабруйск 9 верасня і склала -3,2°С.
За месяц у сярэднім па рэспубліцы выпала 67,7 мм ападкаў, што склала 125% кліматычнай нормы. Ападкі па тэрыторыі краіны распаўсюджваліся нераўнамерна. Адзначалася павелічэнне аб'ёму ападкаў з паўночнага захаду на паўднёвы ўсход ад 30 да 270% кліматычнай нормы адпаведна.

Адхіленне ( % ) месячнай сумы ападкаў за верасень
ад кліматычнай нормы па тэрыторыі Беларусі

Па абласцях больш за ўсё ападкаў адзначана на тэрыторыі Гомельскай вобласці – у сярэднім 103,4 мм або 200% нормы. Менш за ўсё – на тэрыторыі Гродзенскай вобласці – 46,0 мм або 81% нормы.

Колькасць ападкаў за верасень 2022 года і Кліматычная норма

па абласцях і па тэрыторыі Беларусі

На працягу месяца ўмовы ўвільгатнення былі неаднастайныя. На працягу першай дэкады адзначаўся істотны дэфіцыт ападкаў: у сярэднім па краіне выпала 3,5 мм або 17% кліматычнай нормы ападкаў. Другая дэкада адрознівалася залішнім увільгатненнем: у сярэднім па краіне выпала 47,6 мм або 274% кліматычнай нормы ападкаў, а на станцыі Брагін выпала найбольшая колькасць ападкаў – 104,9 мм або 719% дэкаднай нормы. Трэцяя дэкада была блізкая да нормы (выпала 16,6 мм або 102% нормы адпаведна).

Колькасць ападкаў і кліматычная норма
па дэкадах верасня 2022 года па тэрыторыі Беларусі

На працягу месяца ў асобныя суткі назіраліся навальніцы, у начныя і ранішнія гадзіны – туманы. 23 верасня на станцыі Беразіно быў адзначаны град дыяметрам 3 мм. На працягу месяца па тэрыторыі краіны адзначалася ўзмацненне хуткасці ветру парывамі да 15 м/с і больш. Максімальная хуткасць ветру за месяц адзначана 19 верасня на станцыі вялікі Межнік і склала 21 м/с.

Пры выкарыстанні інфармацыі спасылка на Белгідрамет абавязковая