04.04.2023
Кліматычная характарыстыка сакавіка 2023 года
Сярэдняя па Беларусі тэмпература паветра за сакавік 2023 года склала +2,7°С, што вышэй за кліматычную норму на 1,9°С. Бягучы месяц заняў 10 месца ў ранжыраваным шэрагу назіранняў ад самага цёплага да самага халоднага, пачынаючы з 1945 года.
Адхіленне сярэдняй тэмпературы паветра сакавіка за перыяд 1991-2023 гг.
ад кліматычнай нормы (+0,8°C)
Станоўчая анамалія тэмпературы паветра распаўсюдзілася па ўсёй тэрыторыі краіны і знаходзілася ў асноўным у межах ад 1,5 да 2,5°С, найменшыя станоўчыя анамаліі адзначаны па крайняй поўначы краіны і склалі 1,0°С і менш.
У абласным разрэзе найбольшыя значэнні станоўчых адхіленняў тэмпературы паветра ад кліматычнай нормы адзначаны ў Гродзенскай і Гомельскай абласцях (у сярэднім па абласцях +2,1°С), у Віцебскай вобласці адхіленні былі найменшымі (+1,6°С).
Адхіленне (°С) сярэдняй тэмпературы паветра сакавіка 2023 года
ад кліматычнай нормы па тэрыторыі Беларусі
Сярэдняя тэмпература першай дэкады была роўная норме. Другая і трэцяя дэкады былі цёплымі са станоўчай анамаліяй роўнай 2,2°С і 3,4°С адпаведна.
Сярэдняя тэмпература паветра і кліматычная норма
па дэкадах сакавіка 2023 года па тэрыторыі Беларусі
Тэмпература паветра днём у першай і пачатку другой дэкадах у асноўным складала -3 + 6°С, астатнюю частку месяца тэмпература паветра знаходзілася ў межах +7 +18°С. Максімальнага значэння тэмпература паветра дасягнула 24 сакавіка на станцыях Лельчыцы і Брагін і склала +19,2°С.
Тэмпература паветра ноччу на працягу месяца знаходзілася ў асноўным у межах -1 -10°С. У самыя халодныя ночы тэмпература паветра месцамі апускалася да -15°С і ніжэй, а ў самыя цёплыя суткі ў асноўным у трэцяй дэкадзе складала +1 +10°С. Мінімальная тэмпература паветра адзначана на станцыі Езярышча 10 сакавіка і склала -23,7°С.
Адхіленне ( % ) месячнай сумы ападкаў за сакавік 2023 года
ад кліматычнай нормы па тэрыторыі Беларусі
За месяц у сярэднім па рэспубліцы выпала 69,6 мм ападкаў, што склала 184% кліматычнай нормы. Сакавік 2023 года заняў 3 месца ў ранжыраваным шэрагу назіранняў ад самага вільготнага да самага сухога, пачынаючы з 1945 года. Па большай частцы тэрыторыі краіны выпала 100-200% кліматычнай нормы ападкаў. Па поўначы і крайнім усходзе краіны выпала 250% нормы і больш. І толькі па крайнім паўднёвым захадзе (станцыя Высокае) сума ападкаў за месяц была ніжэй за норму.
Па абласцях больш за ўсё ападкаў адзначана на тэрыторыі Віцебскай вобласці – у сярэднім 83,9 мм або 216% нормы. Менш за ўсё – на тэрыторыі Гродзенскай вобласці-47,5 мм або 125% нормы. На станцыях Езярышча, Віцебск, Лепель, Сянно, Касцюковічы і Мазыр быў перавышаны гістарычны максімум сумы ападкаў за месяц. На асобных пунктах назірання па тэрыторыі Віцебскай, Мінскай, Магілёўскай і Гомельскай абласцей былі ўстаноўлены новыя рэкордныя значэнні сутачных максімумаў ападкаў.
Колькасць ападкаў за сакавік 2023 года і кліматычная норма
па абласцях і па тэрыторыі Беларусі
На працягу ўсіх трох дэкад месяца назіралася залішняе ўвільгатненне.
Колькасць ападкаў і кліматычная норма
па дэкадах сакавіка 2023 года па тэрыторыі Беларусі
Ападкі выпадалі ў выглядзе снегу, мокрага снегу і дажджу. На працягу месяца снежнае покрыва неаднаразова ўсталёўваўся на непрацяглы час і разбураўся. Вышыня снежнага покрыва на апошні дзень месяца знаходзілася ў межах ад 0,1 см (Мазыр, Жыткавічы, Слуцк) да 21 см (Езярышча). Па захадзе, поўдні, месцамі ў цэнтральнай частцы і па ўсходзе краіны снежнае покрыва адсутнічала.
На працягу месяца назіраліся туманы, месцамі – галалёд і завеі. У асобных раёнах адзначаліся навальніцы. 26 сакавіка на станцыі Вілейка быў адзначаны град дыяметрам 3 мм. Месцамі адзначалася ўзмацненне хуткасці ветру парывамі да 15 м/с і больш. Максімальная хуткасць ветру зарэгістраваная 4 сакавіка на станцыі Ашмяны і склала 22 м/с.
При использовании информации ссылка на Белгидромет обязательна
Спецыялізаваныя сайты і сайты Філіялаў
Iнфармацыйныя iнтэрнэт-парталы
Iнтэрнэт-партал Прэзiдэнта Рэспублiкi Беларусь
Міністэрства прыродных рэсурсаў і аховы навакольнага асяроддзя Рэспублікі Беларусь
Бiяметрычныя дакументы Рэспублікі Беларусь
Нацыянальны прававы Інтэрнэт-партал Рэспублікі Беларусь
Нацыянальны цэнтр інтэлектуальнай уласнасці
Беларускі прафсаюз работнікаў лесу і прыродакарыстання
Афіцыйныя геральдычныя сімвалы Рэспублікі Беларусь
Мінская абласная арганізацыя Беларускага прафсаюза работнікаў лесу і прыродакарыстання