Кліматычная характарыстыка ліпеня 2021 года

Сярэдняя па Беларусі тэмпература паветра за другі летні месяц 2021 года склала +22,5°С, што вышэй за кліматычную норму на 4,1°С. Ліпень 2021 года заняў 2 месца ў ранжыраваным шэрагу назіранняў ад самага цёплага да самага халоднага, пачынаючы з 1881 года. Першае месца з нязначным перавышэннем у 0,1°С належыць ліпеню 2010 года. Станоўчая анамалія тэмпературы распаўсюдзілася па ўсёй тэрыторыі краіны і знаходзілася ў межах 4,0 - 4,2°С.

Адхіленне сярэдняй тэмпературы паветра ліпеня

ад кліматычнай нормы па тэрыторыі Беларусі

Сярэдняя тэмпература паветра ўсіх трох дэкад перавышала кліматычную норму. Вельмі цёплымі выдаліся першая і другая дэкады, сярэдняя тэмпература паветра якіх перавысіла кліматычную норму на 4,4 і 6,0°С адпаведна. Тэмпература паветра ў трэцяй дэкадзе была вышэй за норму на 2,2ºС.

У першай - другой дэкадах адзначаўся перыяд з анамальна гарачым надвор'ем (хваля цяпла), на працягу якога тэмпература паветра днём знаходзілася пераважна ў межах +30 +34°С, а ў асобныя суткі месцамі перавышала 35-ці градусную адзнаку, дасягнуўшы крытэрыю небяспечнай з'явы.

У астатнія суткі месяца тэмпература паветра ў дзённыя гадзіны складала +25 +29°С, а ў самыя гарачыя дні перавышала 30-ці градусную адзнаку. Максімальная за ліпень тэмпература паветра (+35,5°С) адзначана на станцыі Магілёў 12 ліпеня і на станцыі Лельчыцы 17 ліпеня.

Сярэдняя тэмпература паветра і кліматычная норма

па дэкадах ліпеня 2021 года па тэрыторыі Беларусі

Тэмпература паветра ноччу на працягу месяца знаходзілася ў асноўным у межах +15 +20°С, а ў самыя халодныя ночы апускалася да +10 +14°С і ніжэй. Мінімальнае значэнне тэмпературы (+6,8°С) адзначана на станцыях Езярышча і Лынтупы 22 ліпеня.

Колькасць ападкаў за ліпень 2021 года і кліматычная норма

па абласцях і па тэрыторыі Беларусі

За месяц у сярэднім па рэспубліцы выпала 66,0 мм ападкаў, што склала 78% кліматычнай нормы. Ападкі па тэрыторыі краіны распаўсюджваліся вельмі нераўнамерна. Больш за ўсё ападкаў за месяц выпала на тэрыторыі Брэсцкай вобласці – у сярэднім па вобласці 107,0 мм (126% кліматычнай нормы). Найменшая колькасць ападкаў выпала на тэрыторыі Віцебскай вобласці – у сярэднім па вобласці 27,1 мм (33% кліматычнай нормы).

Рэжым ўвільгатнення на працягу месяца быў неаднародным. У другой і трэцяй дэкадах адзначаўся недабор ападкаў: выпала 77 і 55% дэкаднай нормы адпаведна, у першай дэкадзе выпала дэкадная норма ападкаў.

Колькасць ападкаў і кліматычная норма

па дэкадах ліпеня 2021 года па тэрыторыі Беларусі

Ападкі насілі пераважна ліўневы характар, месцамі суправаджаліся навальніцамі і выпадзеннем граду, у асобных раёнах дажджы дасягалі крытэрыю небяспечнай з'явы. У начныя і ранішнія гадзіны месцамі назіраліся туманы. У асобных раёнах адзначалася ўзмацненне ветру парывамі да 15 м/с і больш. Максімальная хуткасць ветру адзначана на станцыі Валожын 17 ліпеня (24 м/с).

Спецыялізаваныя сайты и сайты Філіялаў

Iнфармацыйныя iнтэрнэт-парталы

Iнтэрнэт-партал Прэзiдэнта Рэспублiкi Беларусь Міністэрства прыродных рэсурсаў і аховы навакольнага асяроддзя Рэспублікі Беларусь Бiяметрычныя дакументы Рэспублики Беларусь Нацыянальны прававы Інтэрнэт-партал Рэспублікі Беларусь Нацыянальны цэнтр інтэлектуальнай уласнасці Беларускі прафсаюз работнікаў лесу і прыродакарыстання Мінская абласная арганізацыя Беларускага прафсаюза работнікаў лесу і прыродакарыстання