02.11.2023
Кліматычная характарыстыка кастрычніка 2023 года
Сярэдняя па Беларусі тэмпература паветра за кастрычнік 2023 года склала +8,0°С, што вышэй за кліматычную норму на 1,2°С. Кастрычнік бягучага года заняў 11 месца ў ранжыраваным шэрагу назіранняў ад самага цёплага да самага халоднага, пачынаючы з 1945 года.
Адхіленне сярэдняй тэмпературы паветра кастрычніка за перыяд 1991-2023 гг.
ад кліматычнай нормы (+6,8°C)
Па большай частцы тэрыторыі краіны адзначалася станоўчая анамалія тэмпературы паветра, якая знаходзілася ў асноўным у межах ад 0,2 да 1,6°С. Па крайнім паўночным усходзе была адзначана нязначная адмоўная анамалія.
У абласным разрэзе найбольшыя значэнні станоўчых адхіленняў тэмпературы паветра ад кліматычнай нормы адзначаны ў Брэсцкай вобласці (у сярэднім па вобласці +2,0°С), у Віцебскай вобласці адхіленні былі найменшымі (+0,3°С).
Адхіленне (°С) сярэдняй тэмпературы паветра кастрычніка
ад кліматычнай нормы па тэрыторыі Беларусі
Сярэдняя тэмпература паветра ўсіх трох дэкад была вышэйшай за норму.
Сярэдняя тэмпература паветра і кліматычная норма
па дэкадах кастрычніка 2023 года па тэрыторыі Беларусі
Дзённыя тэмпературы паветра большую частку месяца ў асноўным складалі + 11 + 20°C, у асобныя суткі паніжаючыся да +10 +5°C і ніжэй. Максімальнага значэння (+25,0°C) тэмпература паветра дасягнула днём 14 кастрычніка ў Драгічыне.
Тэмпература паветра ўначы пераважна знаходзілася ў межах + 6 +11°C, у асобныя суткі паніжалася да +2 + 5°C. У самыя халодныя ночы тэмпература паветра месцамі апускалася да адмоўных значэнняў. Мінімальная тэмпература паветра адзначана на станцыі Брагін 11 кастрычніка і склала -5,7°С.
Ўстойлівы пераход сярэдняй сутачнай тэмпературы паветра праз 10°C у бок паніжэння (заканчэнне перыяду актыўнай вегетацыі) ажыццявіўся на 3-13 дзён пазней сваіх звычайных тэрмінаў – 6-8 кастрычніка, і толькі на крайнім поўдні і паўднёвым захадзе пераход наступіў 15-16 кастрычніка. 19-26 кастрычніка па паўночнай палове краіны сярэдняя сутачная тэмпература паветра перайшла праз 5°С.
За месяц у сярэднім па рэспубліцы выпала 83,3 мм ападкаў, што склала 153% кліматычнай нормы. Кастрычнік 2023 года заняў 10 месца ў ранжыраваным шэрагу назіранняў ад самага вільготнага да самага сухога, пачынаючы з 1945 года. Па большай частцы тэрыторыі краіны выпала 100-200% кліматычнай нормы ападкаў.
Адхіленне ( % ) месячнай сумы ападкаў за кастрычнік
ад кліматычнай нормы па тэрыторыі Беларусі
Па абласцях больш за ўсё ападкаў адзначана на тэрыторыі Гомельскай і Віцебскай абласцей – у сярэднім 96,4 і 96,2 мм або 174 і 155% нормы адпаведна. Менш за ўсё – на тэрыторыі Брэсцкай вобласці-59,5 мм або 134% нормы.
Колькасць ападкаў за кастрычнік 2023 года і кліматычная норма
па абласцях і па тэрыторыі Беларусі
У першай дэкадзе адзначаўся дэфіцыт ападкаў: выпала 13,3 мм або 67% нормы. У другой і ў трэцяй дэкадах адзначаўся лішак ападкаў: выпала 18,4 і 51,7 мм ападкаў АБО 120 і 272% нормы.
Колькасць ападкаў і кліматычная норма
па дэкадах кастрычніка 2023 года па тэрыторыі Беларусі
Ападкі выпадалі ў выглядзе дажджоў, у асобныя суткі месцамі адзначалася выпадзенне мокрага снегу і снегу. Па Віцебскай, а таксама паўночнай частцы Мінскай і Магілёўскай абласцей 26-27 кастрычніка на непрацяглы час усталявалася снежнае покрыва вышынёй ад 0,1 да 9 см.
На працягу месяца ў асобных раёнах краіны ў начныя і ранішнія гадзіны назіраліся туманы, месцамі – галалёдныя з'явы, навальніцы і град. Адзначалася ўзмацненне хуткасці ветру парывамі да 15 м/з і больш, месцамі дасягнула крытэра небяспечнай гідраметэаралагічнай з'явы (25 м/с і больш). Максімальная хуткасць ветру за месяц адзначана на станцыі Слуцк 8 кастрычніка (28 м/с).
Пры выкарыстанні інфармацыі спасылка на Белгідрамет абавязкова
Спецыялізаваныя сайты і сайты Філіялаў
Iнфармацыйныя iнтэрнэт-парталы
Iнтэрнэт-партал Прэзiдэнта Рэспублiкi Беларусь
Міністэрства прыродных рэсурсаў і аховы навакольнага асяроддзя Рэспублікі Беларусь
Бiяметрычныя дакументы Рэспублікі Беларусь
Нацыянальны прававы Інтэрнэт-партал Рэспублікі Беларусь
Нацыянальны цэнтр інтэлектуальнай уласнасці
Беларускі прафсаюз работнікаў лесу і прыродакарыстання
Афіцыйныя геральдычныя сімвалы Рэспублікі Беларусь
Мінская абласная арганізацыя Беларускага прафсаюза работнікаў лесу і прыродакарыстання