02.11.2021
Кліматычная характарыстыка кастрычніка 2021 года
Сярэдняя па Беларусі тэмпература паветра за кастрычнік 2021 года склала +7,3°С, што вышэй за кліматычную норму на 0,6°С. Станоўчая анамалія тэмпературы распаўсюдзілася па ўсёй тэрыторыі краіны. Найбольшыя значэнні станоўчых адхіленняў тэмпературы паветра ад кліматычнай нормы адзначаны ў Гродзенскай вобласці (+1,0ºС), найменшыя – у Гомельскай (+0,1 ºС).
Адхіленне сярэдняй тэмпературы паветра кастрычніка ад кліматычнай нормы па Рэспубліцы Беларусь
Тэмпературны рэжым на працягу месяца быў неаднародным.
Першая і другая дэкады кастрычніка былі халоднымі з сярэдняй тэмпературай паветра на 0,7°С і 0,9°С ніжэй за норму. Тэмпература паветра трэцяй дэкады была на 3,0°С вышэй за норму.
Сярэдняя тэмпература паветра па дэкадах кастрычніка 2021 года
і кліматычная норма па тэрыторыі Рэспублікі Беларусь
Тэмпература паветра днём знаходзілася ў межах +6 +13°С, а ў самыя цёплыя суткі дзённыя тэмпературы перавышалі 15-ці градусную адзнаку. Максімальнага значэння тэмпература паветра дасягнула 21 кастрычніка на станцыі Брагін і склала 21,1°С.
Начныя тэмпературы большую частку месяца знаходзіліся ў інтэрвале -3 +9°С, у самыя халодныя ночы апускаліся да -5°С і ніжэй. Мінімальная тэмпература паветра зарэгістравана на станцыі Езярышча 9 кастрычніка і склала -6,6°С.
У кастрычніку 2021 года па краіне назіраўся недабор ападкаў і ў сярэднім выпала 14,5 мм (29% кліматычнай нормы). Ападкі па тэрыторыі краіны выпадалі нераўнамерна. Найбольш увільгатнённай апынулася Віцебская вобласць, на тэрыторыі якой выпала 30,7 мм або 52% нормы за месяц. Менш за ўсё ападкаў выпала на тэрыторыі Гомельскай вобласці – 3,9 мм або 8% кліматычнай нормы. Так суха тут адзначана другі раз за перыяд назіранняў з 1945 года.
Колькасць ападкаў за кастрычнік 2021 года і кліматычная норма
па абласцях і па тэрыторыі Рэспублікі Беларусь
Недабор ападкаў адзначаўся ва ўсіх трох дэкадах (14%, 35% і 38% адпаведна).
Колькасць ападкаў і кліматычная норма па дэкадах кастрычніка 2021 года па тэрыторыі Рэспублікі Беларусь
Ападкі выпадалі ў выглядзе дажджоў, у асобныя суткі месцамі адзначалася выпадзенне мокрага снегу. Месцамі ў начныя і ранішнія гадзіны адзначаліся туманы, на станцыі Ліда 13 кастрычніка назіраўся галалёд, на станцыі Стоўбцы 14 кастрычніка – град. У асобных раёнах адзначалася ўзмацненне ветру парывамі 15 м/с і больш. Максімальная хуткасць ветру адзначана на станцыі Слуцк 22 кастрычніка (21 м/с).
Спецыялізаваныя сайты і сайты Філіялаў
Iнфармацыйныя iнтэрнэт-парталы
Iнтэрнэт-партал Прэзiдэнта Рэспублiкi Беларусь
Міністэрства прыродных рэсурсаў і аховы навакольнага асяроддзя Рэспублікі Беларусь
Бiяметрычныя дакументы Рэспублікі Беларусь
Нацыянальны прававы Інтэрнэт-партал Рэспублікі Беларусь
Нацыянальны цэнтр інтэлектуальнай уласнасці
Беларускі прафсаюз работнікаў лесу і прыродакарыстання
Афіцыйныя геральдычныя сімвалы Рэспублікі Беларусь
Мінская абласная арганізацыя Беларускага прафсаюза работнікаў лесу і прыродакарыстання