Кліматычная характарыстыка чэрвеня 2024 года

Сярэдняя па Беларусі тэмпература паветра за чэрвень 2024 года склала +18,9°C, што вышэй за кліматычную норму на 1,9°C. Чэрвень бягучага года заняў 8 месца ў ранжыраваным шэрагу назіранняў ад самага цёплага да самага халоднага, пачынаючы з 1945 года.

Адхіленне сярэдняй тэмпературы паветра чэрвеня за перыяд 1991-2024 гадоў

ад кліматычнай нормы (+17,0°C)

Па ўсёй тэрыторыі краіны адзначалася станоўчая анамалія тэмпературы паветра, якая знаходзілася ў асноўным у межах ад +1,1 да +3,7°C.

У абласным разрэзе найбольшыя значэнні станоўчых адхіленняў тэмпературы паветра ад кліматычнай нормы адзначаны ў Магілёўскай вобласці (+2,3°C), у Брэсцкай вобласці адхіленні былі найменшымі (+1,5°C).

Адхіленне (°С) сярэдняй тэмпературы паветра чэрвеня

ад кліматычнай нормы па тэрыторыі Беларусі

Сярэдняя тэмпература паветра ўсіх трох дэкад была вышэйшай за норму. Вельмі цёплай выдалася трэцяя дэкада са станоўчай анамаліяй 3,6°С адпаведна.

Сярэдняя тэмпература паветра і кліматычная норма

па дэкадах чэрвеня 2024 года па тэрыторыі Беларусі

Тэмпература паветра днём у большасці дзён месяца знаходзілася пераважна ў межах +20 +27°C, а ў самыя цёплыя дні падымалася да + 30°C і вышэй. Максімальнага значэння (+33,5°C) тэмпература паветра дасягнула 30 чэрвеня на станцыі Жыткавічы.

Тэмпература паветра ўначы пераважна знаходзілася ў межах +10 +15°C, а ў самыя халодныя ночы ў першай дэкадзе месцамі апускалася да +6 +9°C. Мінімальная тэмпература паветра адзначана на станцыі Бярэзінскі запаведнік 9 чэрвеня і склала +4,8°C.

За месяц у сярэднім па рэспубліцы выпала 83 мм ападкаў, што склала 116% кліматычнай нормы. Па тэрыторыі краіны ападкі распаўсюджваліся нераўнамерна. Па большай частцы тэрыторыі краіны выпала 100-200% нормы ападкаў. На станцыі Брагін быў абноўлены гістарычны месячны і сутачны максімум сумы ападкаў.

Адхіленне (%) месячнай сумы ападкаў за чэрвень

ад кліматычнай нормы па тэрыторыі Беларусі

Па абласцях больш за ўсё ападкаў адзначана на тэрыторыі Гомельскай вобласці – у сярэднім па вобласці 97 мм або 139% нормы. Менш за ўсё – на тэрыторыі Гродзенскай вобласці – 77 мм або 114% нормы ападкаў.

Колькасць ападкаў за чэрвень 2024 года і кліматычная норма

па абласцях і па тэрыторыі Беларусі

На працягу першай і другой дэкад адзначаўся лішак ападкаў: выпала 35 і 43 мм ападкаў або 189 і 156% дэкаднай нормы адпаведна. У трэцяй дэкадзе назіраўся дэфіцыт ападкаў: выпала 5 мм або 20% нормы.

Колькасць ападкаў і кліматычная норма

па дэкадах чэрвеня 2024 года па тэрыторыі Беларусі

Паўсюдна назіраліся навальніцы, у асобных раёнах – град дыяметрам да 17 мм (2 чэрвеня ў Ашмянах), месцамі – туманы. Дажджы ў асноўным насілі ліўневы характар, суправаджаліся навальніцамі, месцамі дасягалі крытэра небяспечнай з'явы: 12 чэрвеня ў раёне станцыі Брагін назіраўся вельмі моцны дождж з колькасцю ападкаў 59,6 мм.

Месцамі адзначалася ўзмацненне хуткасці ветру парывамі да 15 м/с і больш. Максімальная хуткасць ветру за месяц зарэгістраваная на станцыі Слаўгарад 20 чэрвеня (24 м/с).

Пры выкарыстанні інфармацыі спасылка на Белгідрамет абавязкова

Спецыялізаваныя сайты

Iнфармацыйныя iнтэрнэт-парталы

Iнтэрнэт-партал Прэзiдэнта Рэспублiкi Беларусь Міністэрства прыродных рэсурсаў і аховы навакольнага асяроддзя Рэспублікі Беларусь Бiяметрычныя дакументы Рэспублікі Беларусь Нацыянальны прававы Інтэрнэт-партал Рэспублікі Беларусь Нацыянальны цэнтр інтэлектуальнай уласнасці Беларускі прафсаюз работнікаў лесу і прыродакарыстання Афіцыйныя геральдычныя сімвалы Рэспублікі Беларусь Мінская абласная арганізацыя Беларускага прафсаюза работнікаў лесу і прыродакарыстання