01.08.2019
Кліматычная характарыстыка ліпеня 2019 года
Сярэдняя па Беларусі тэмпература паветра ліпеня 2019 года склала +17,1°С, што ніжэй за кліматычную норму на 1,3°С. Найбольшыя адмоўныя адхіленні ад кліматычнай нормы адзначаны ў Віцебскай і Магілёўскай абласцях і склалі ў сярэднім кожнай па вобласці -1,8°С, найменшыя-у Брэсцкай вобласці (-0,6 ºС). Такая і больш нізкая тэмпература паветра ў сярэднім па краіне на працягу апошніх 75 гадоў у ліпені бывае прыкладна адзін раз у 3-4 гады, а пачынаючы з 2001 года-адзначаецца ўпершыню.
Адхіленне сярэдняй тэмпературы паветра ліпеня
ад кліматычнай нормы (+18,4°С) па тэрыторыі Беларусі
Па тэмпературнаму рэжыму месяц быў неаднародным. Першая і другая дэкады ліпеня 2019 года былі халоднымі з сярэдняй тэмпературай паветра на 2,2 і 2,5°С ніжэй за норму адпаведна. Сярэдняя тэмпература паветра за трэцюю дэкаду была на 0,5°С вышэй дэкаднай кліматычнай нормы.
Сярэдняя тэмпература паветра і кліматычная норма
па дэкадах ліпеня 2019 года па тэрыторыі Беларусі
На працягу ўсяго месяца, за выключэннем самых цёплых сутак, калі ў дзённы час тэмпература паветра дасягала +28+32°С, тэмпература паветра павышалася да +18+25°С. Гарачае надвор'е стаяла 1 ліпеня, калі на многіх метэастанцыях у дзённыя гадзіны тэмпература паветра перавысіла +35ºС, дасягнуўшы крытэрыю небяспечнай з'явы. Максімальнае значэнне тэмпературы паветра за месяц зарэгістравана 1 ліпеня на метэастанцыі Брагін (+36,4°С), абнавіўшы абсалютны максімум тэмпературы ліпеня для дадзенай станцыі.
Ноччу тэмпература паветра ў асноўным знаходзілася ў межах +12+18°С, але ў асобныя суткі ў пачатку месяца месцамі яна апускалася ніжэй +10°С. Мінімальнае значэнне тэмпературы паветра зарэгістравана 13 ліпеня на станцыі Езярышча (+2,9°С).
Колькасць ападкаў за ліпень 2019 года і кліматычная норма
па абласцях і па тэрыторыі Беларусі
За месяц у сярэднім па краіне выпала 91 мм ападкаў, што склала 107% кліматычнай нормы. Па тэрыторыі краіны ападкі распаўсюджваліся нераўнамерна. Найбольш увільгатненнай апынулася Віцебская вобласць, дзе выпала 127,5 мм ападкаў або 155% кліматычнай нормы за месяц. Найменшая колькасць ападкаў выпала ў Гродзенскай вобласці - 61,0 мм або 71% кліматычнай нормы.
Дажджы ішлі на працягу ўсяго месяца, суправаджаліся навальніцамі і месцамі выпадзеннем граду, часам дасягаючы крытэрыяў небяспечнай з'явы. Найбольшая сума ападкаў за суткі адзначана на станцыі Езярышча – 113 мм, што складае 127% нормы ападкаў за месяц па дадзеным пункце назірання.
У асобныя дні месяца ўзмацняўся вецер парывамі да 20 м/с і больш. Максімальная хуткасць ветру, якая дасягнула крытэрыю небяспечнай з'явы, зарэгістравана 1 ліпеня (29 м/с на станцыі Пінск і 25 м/с на станцыі Драгічын). У начныя і ранішнія гадзіны месцамі адзначаліся непрацяглыя туманы.
Iнфармацыйныя iнтэрнэт-парталы
Iнтэрнэт-партал Прэзiдэнта Рэспублiкi Беларусь
Міністэрства прыродных рэсурсаў і аховы навакольнага асяроддзя Рэспублікі Беларусь
Бiяметрычныя дакументы Рэспублікі Беларусь
Нацыянальны прававы Інтэрнэт-партал Рэспублікі Беларусь
Нацыянальны цэнтр інтэлектуальнай уласнасці
Беларускі прафсаюз работнікаў лесу і прыродакарыстання
Афіцыйныя геральдычныя сімвалы Рэспублікі Беларусь
Мінская абласная арганізацыя Беларускага прафсаюза работнікаў лесу і прыродакарыстання