04.05.2019
Кліматычная характарыстыка красавіка 2019 года
У красавіку сярэдняя па краіне тэмпература паветра склала 8,8°С, што на 1,5°С вышэй за кліматычную норму. Такая высокая сярэдняя за месяц тэмпература паветра ў красавіку адзначаецца па краіне прыкладна адзін раз у 10 гадоў. Найбольшыя станоўчыя адхіленні тэмпературы ад кліматычнай нормы адзначаны ў Гродзенскай вобласці (у сярэднім па вобласці 1,7°С), найменшыя-у Віцебскай вобласці (у сярэднім па вобласці 1,3°С).
Адхіленне сярэдняй тэмпературы паветра красавіка
ад кліматычнай нормы па тэрыторыі Беларусі
На працягу трох дэкадаў тэмпературны рэжым быў неаднастайны. Сярэдняя тэмпература паветра першай дэкады красавіка склала +6,1°С, перавысіўшы норму на нормы на 1,2°С. Другая дэкада была ніжэй за норму на 0,6°С. Самай цёплай была трэцяя дэкада з тэмпературай паветра на 3,8°С вышэй за кліматычную норму. Так цёпла ў гэты час па тэрыторыі краіны бывае прыкладна адзін раз у 7-10 гадоў.
Сярэдняя тэмпература паветра і кліматычная норма
па дэкадах красавіка 2019 года па тэрыторыі Беларусі
Дзённыя тэмпературы большую частку месяца ў асноўным перавышалі 10-градусную адзнаку, а ў найбольш цёплыя суткі днём тэмпература паветра павышалася да +22 +27°С. Максімальная тэмпература паветра адзначана на станцыях Брэст 26 красавіка, Пружаны і Драгічын 27 красавіка і склала +27,8°С.
Ночы на працягу першых двух дэкадаў у асноўным былі прахалоднымі, і начныя тэмпературы ў асноўным знаходзіліся ў межах ад -4 да +4°С. У трэцяй дэкадзе начныя тэмпературы пераважна былі станоўчымі і ў самыя цёплыя ночы павышаліся да +7 +14°С. Месцамі адзначаліся замаразкі ў паветры інтэнсіўнасцю да -2°С. Самая нізкая тэмпература паветра за красавік (-7,2°С) зарэгістравана на станцыі Васілевічы 3 красавіка.
За красавік у сярэднім па Беларусі выпала 7,0 мм ападкаў, што склала18% кліматычнай нормы. Такога сухога красавіка на тэрыторыі краіны не адзначалася ні разу за пасляваенны перыяд. Найбольш увільгатненнай апынулася тэрыторыя Гомельскай вобласці, дзе ў сярэднім па вобласці выпала 12,2 мм ападкаў (31% кліматычнай нормы). Найменшая колькасць ападкаў адзначана ў Віцебскай вобласці - у сярэднім па вобласці 3,7 мм (10% кліматычнай нормы). У канцы месяца ў многіх раёнах краіны адзначаліся навальніцы, 21 красавіка ў Гродне назіралася навальніца з выпадзеннем граду дыяметрам 6 мм. У асобныя дні красавіка назіралася ўзмацненне ветру парывамі да 15-18 м/с.
Колькасць ападкаў за красавік 2019 года і кліматычная норма
па абласцях і па тэрыторыі Беларусі
Спецыялізаваныя сайты і сайты Філіялаў
Iнфармацыйныя iнтэрнэт-парталы
Iнтэрнэт-партал Прэзiдэнта Рэспублiкi Беларусь
Міністэрства прыродных рэсурсаў і аховы навакольнага асяроддзя Рэспублікі Беларусь
Бiяметрычныя дакументы Рэспублікі Беларусь
Нацыянальны прававы Інтэрнэт-партал Рэспублікі Беларусь
Нацыянальны цэнтр інтэлектуальнай уласнасці
Беларускі прафсаюз работнікаў лесу і прыродакарыстання
Афіцыйныя геральдычныя сімвалы Рэспублікі Беларусь
Мінская абласная арганізацыя Беларускага прафсаюза работнікаў лесу і прыродакарыстання