Нацыянальны Герб Рэспублiкi Беларусь Міністэрства прыродных рэсурсаў і аховы навакольнага асяроддзя Рэспублікі Беларусь Дзяржаўная ўстанова "Рэспубліканскі цэнтр па гідраметэаралогіі, кантролю радыеактыўнага забруджвання і маніторынгу навакольнага асяроддзя" БЕЛГIДРAМЕТ
Галоўная / Інфармацыя / Iнфармацыя аграметэаролага
29.10.2019

Агляд аграметэаралагічнай сітуацыі на 29 кастрычніка 2019 года

Незвычайна цёплае надвор'е, якое пераважала ў кастрычніку, падоўжыла перыяд восеньскай вегетацыі азімых культур. Паводле апошніх звестак назіранняў на асноўных масівах азімых збожжавых культур адзначана кушчэнне. Гэта аптымальная фаза для перазімоўкі. На ўчастках, засеяных у канцы верасня, назіраецца трэці ліст, на кастрычніцкіх пасевах у асноўным адзначаны ўсходы. Стан азімых культур на назіраных палях пераважна добры. У сувязі з пахаладаннем у бліжэйшы час актыўная вегетацыя азімых культур скончыцца. У раслін будуць праходзіць працэсы загартоўвання.
На большай тэрыторыі Беларусі верхні слой глебы знаходзіцца ў добраўвільгатненным стане. Толькі месцамі ў паўднёвай частцы рэспублікі з-за дэфіцыту ападкаў верхні слой глебы слаба увільгатнён, што ў апошнія дні некалькі пагаршала якасць зяблевай апрацоўкі глебы.
У сувязі з чаканым халодным надвор'ем гаспадаркам неабходна паскорыць завяршэнне ўборкі позніх сельскагаспадарчых культур.
 

Спецыялізаваныя сайты