22.02.2019
Агляд аграметэаралагічнай сітуацыі на 22 лютага 2019 года
Па апошніх дадзеных на большай тэрыторыі Рэспублікі глеба адталая або назіраецца невялікае подмерзанне верхняга пласта. Толькі па дадзеных асобных метэастанцый таўшчыня мерзлага пласта глебы на канец другой дэкады лютага складала 10-22 см, на паўночным усходзе краіны - да 35 см.
Тэмпература глебы на глыбіні залягання вузла кушчэння азімых збожжавых культур па-ранейшаму вышэй аптымальных значэнняў. На палях назіраецца прыцёртая да глебы ледзяная скарынка.
Непрацяглае пахаладанне, нягледзячы на адсутнасць у многіх раёнах снежнага покрыва, для азімых збожжавых культур пагрозы не ўяўляе. Ёсць некаторыя асцярогі за азімы рапс у тых раёнах, дзе адсутнічае снежнае покрыва.
