02.04.2019
Агляд аграметэаралагічнай сітуацыі на 2 красавіка 2019 года
Цёплае надвор'е ў апошніх чыслах сакавіка спрыяла больш актыўнаму прасыханню верхняга пласта глебы ў заходніх, цэнтральных і ўсходніх раёнах Беларусі. Гэта дазволіла павялічыць тут тэмпы палявых работ і сяўбы ранніх яравых культур. Паводле звестак візуальных назіранняў на большай тэрыторыі рэспублікі верхні пласт глебы знаходзіцца ва ўмерана вільготным стане, што спрыяе актыўнаму правядзенню палявых сельскагаспадарчых работ. Аднак з-за паніжэння тэмпературнага рэжыму ў пачатку красавіка зноў пагоршыліся ўмовы для прагравання глебы. Пад уплывам адмоўных тэмператур у начны час адзначаецца невялікае падмярзанне верхняга пласта глебы. Сярэдняя тэмпература глебы на глыбіні 10 см складае ў асноўным +5+7°С, на поўдні краіны - да +8°С. Пераўвільгатненне верхняга пласта глебы захоўваецца на значнай тэрыторыі Віцебскай вобласці, а таксама месцамі ў Магілёўскай і на поўначы Гродзенскай вобласці. У той жа час з-за дэфіцыту ападкаў у асобных раёнах Гомельскай вобласці на лёгкіх глебах ужо адзначаецца слабае ўвільгатненне верхняга пласта.
У першай пяцідзёнцы красавіка пераважна без ападкаў надвор'е будзе спрыяць прасыханню глебы ў паўночным рэгіёне рэспублікі. Пры гэтым на поўдні рэспублікі на лёгкіх глебах могуць павялічыцца плошчы з недастатковым увільгатненнем верхняга пласта. У сувязі з паніжэннем тэмпературнага рэжыму, у першую чаргу начных тэмператур, вегетацыя азімых культур, адрастанне шматгадовых траў будуць насіць неактыўны характар, павялічыцца працягласць перыяду з'яўлення ўсходаў яравых культур.
Спецыялізаваныя сайты і сайты Філіялаў
Iнфармацыйныя iнтэрнэт-парталы
Iнтэрнэт-партал Прэзiдэнта Рэспублiкi Беларусь
Міністэрства прыродных рэсурсаў і аховы навакольнага асяроддзя Рэспублікі Беларусь
Бiяметрычныя дакументы Рэспублікі Беларусь
Нацыянальны прававы Інтэрнэт-партал Рэспублікі Беларусь
Нацыянальны цэнтр інтэлектуальнай уласнасці
Беларускі прафсаюз работнікаў лесу і прыродакарыстання
Афіцыйныя геральдычныя сімвалы Рэспублікі Беларусь
Мінская абласная арганізацыя Беларускага прафсаюза работнікаў лесу і прыродакарыстання