15.10.2019
Агляд аграметэаралагічнай сітуацыі на 15 кастрычніка 2019 года
На большай частцы рэспублікі складваюцца спрыяльныя аграметэаралагічныя ўмовы для правядзення ўборачных работ, добрае ўвільгатненне верхняга слоя глебы дазваляе падтрымліваць высокія тэмпы зяблевай апрацоўкі. Даволі складаная аграметэаралагічная абстаноўка для правядзення палявых сельскагаспадарчых работ захоўваецца ў паўночным рэгіёне краіны. Паводле апошніх звестак візуальных назіранняў у многіх раёнах Віцебскай вобласці верхні слой глебы па-ранейшаму моцна завільгатнен. На пераўвільготненых глебах правядзенне ўборкі сельскагаспадарчых культур, агратэхнічных мерапрыемстваў па догляду за пасевамі азімых культур, уздым зябліва абцяжараны.
Да канца другой дэкады кастрычніка на большай тэрыторыі Беларусі ўмовы надвор'я будуць спрыяць завяршэнню ўборкі бульбы, нарыхтоўцы кармоў, правядзенню ўборкі кукурузы, цукровых буракоў і позняй гародніны. Пад уплывам цёплага надвор'я будзе ісці прасыханне пераўвільготненых глеб у паўночных раёнах рэспублікі.
