БРЭСТАЛБГІДРАМЕТ

Ru Be En

Галоўная / Фiлiялы Белгiдрамета / БРЭСТАЛБГІДРАМЕТ / Навіны і падзеі

18.05.2026

Ачысцілі берагі каля 20 вадаёмаў: як у Брэсцкай вобласці прайшла акцыя "Беларусь сінявокая"

У час рэспубліканскай экалагічнай акцыі "Беларусь сінявокая" ўдзельнікі навялі парадак паблізу вадаёмаў Брэсцкай вобласці.
Работы па санітарнай ачыстцы былі арганізаваны ва ўсіх раёнах рэгіёна. Добраўпарадкаванне прыбярэжных тэрыторый праходзіла каля рэк Мухавец, Лясная, Лань, Грыўда, Прыпяць, Гарынь, вадасховішчаў Мышанка, Лактышы, азёр Сонечнае, Мульнае, Бамаўскае і інш.
Адмысловая ўвага надавалася ўчасткам з высокай рэкрэацыйнай нагрузкай. Навядзенне парадку вялося як у цэнтральных частках населеных пунктаў, так і ў прыгарадных зонах, папулярных сярод адпачывальнікаў і рыбаловаў. На некаторых вадаёмах праведзена ачыстка акваторый ад расліннасці, выдалены паваленыя дрэвы. У асобных месцах выканалі афарбоўку малых архітэктурных форм.
Арганізатарамі акцыі "Беларусь сінявокая" выступілі Міністэрства прыродных рэсурсаў і аховы навакольнага асяроддзя, а таксама Дзяржаўная інспекцыя аховы жывёльнага і расліннага свету пры Прэзідэнце. У Брэсцкай вобласці да навядзення парадку далучыліся прадстаўнікі маладзёжных аб'яднанняў, студэнты, школьнікі і супрацоўнікі спецыялізаваных службаў. Экалагічная ініцыятыва аб'яднала намаганні каля 600 чалавек, ачышчаны берагі 19 вадаёмаў.