Ліпень выдаўся ўмерана-халодным па тэмпературным рэжыме, з сярэдняй тэмпературай паветра на 1°С ніжэй за кліматычную норму і з колькасцю ападкаў, якая перавышае норму ў паўтара раза. З 1945 года назіранняў такі вільготны ліпень адзначаецца 16 разоў.

Адхіленне сярэдняй тэмпературы паветра ліпеня ад кліматычнай нормы па Гродненскай вобласці за перыяд 1991-2026 гг.

Сярэдняя тэмпература паветра першай і трэцяй дэкады была халаднейшай за норму на 2°С. Цепла было ў другой дэкадзе месяца, на 1,2°С вышэй за кліматычную норму. Максімальная тэмпература паветра адзначана на АС Ваўкавыск 1 ліпеня і склала +35,7°С. Мінімальная тэмпература паветра зарэгістравана на АМС Навасёлкі 29 ліпеня і склала +7,5°С.

Па поўдні вобласці выпала найменш ападкаў – 97 або 113% кліматычнай нормы, на астатняй частцы тэрыторыі колькасць ападкаў, якія выпалі, адзначалася ў межах ад 127 мм да 175 мм або 156-167% месячнай нормы. На працягу месяца адзначаліся ліўневыя дажджы рознай інтэнсіўнасці, суправаджаліся навальніцамі, у асобных раёнах градам. Месцамі па вобласці яны былі моцнымі, колькасцю за 12 гадзін і менш ад 15 да 24 мм (неспрыяльная гідраметэаралагічная з'ява).

Па вобласці за месяц адзначалася ад 1 да 6 дзён з моцным ветрам, парывамі больш за 15-20 м/с. Максімальная хуткасць ветру (24 м/с) была зарэгістравана на авіяцыйнай метэаралагічнай станцыі грамадзянскай Гродна 27 ліпеня.