13 жніўня калектыў Філіяла  «Гроднааблгідрамет" сабраўся, каб павіншаваць Алену Клімовіч, вядучага інжынера-метэаролага з уражлівай датай — 30-годдзем працы ў гідраметэаралагічнай службе.

Пачала сваю працоўную дзейнасць у гідраметэаралагічнай службе Алена Клімовіч у 19 гадовым узросце на пасадзе радыёаператара авіяцыйнай метэаралагічнай станцыі грамадзянскай Гродна. З тых часоў метэаралогія стала справай  яе жыцця. Імкненне да ведаў і прафесійны рост прывялі яе да дыплома Санкт-Пецярбургскага дзяржаўнага гідраметэаралагічнага універсітэта, які яна атрымала ў 2009 годзе, паспяхова сумяшчаючы вучобу з працай.

За тры дзесяцігоддзі Алена прайшла шлях ад тэхніка-метэаролага АМСГ Гродна да вядучага інжынера-метэаролага філіяла, назапасіўшы каласальны вопыт, якім сёння шчодра дзеліцца з маладым пакаленнем спецыялістаў. Калегі ведаюць яе як чалавека выключнай адказнасці і добрасумленнасці, для якога прафесіяналізм заўсёды стаіць на першым месцы.  Начальнік філіяла Дзмітрый Скаскевіч, уручаючы Алене Алегаўне кветкі і віншавальны адрас, адзначыў, што такая адданасць прафесіі выклікае шчырую павагу. Ён падзякаваў ёй за шматгадовую працу і пажадаў невычэрпнай энергіі, моцнага здароўя і новых поспехаў.