15 красавіка ва многіх краінах свету адзначаюць Дзень экалагічных ведаў. Гэта не проста дата ў календары, а напамін аб тым, што права жыць у спрыяльным  навакольным асяроддзі неразрыўна  звязана з абавязкам яе берагчы, разумець і вывучаць.

Дзень экалагічных ведаў устанавілі ў 1992 годзе на канферэнцыі ААН у Рыа-дэ-жанэйра, якая была прысвечана праблемам навакольнага асяроддзя, і калі быў прыняты дакумент "Парадак дня на 21 стагоддзе", які падкрэслівае важнасць усеагульнай экалагічнай адукацыі.

Мэта  свята — пашырэнне экалагічных ведаў, інфармаванне грамадскасці аб стане навакольнага асяроддзя, а таксама выхаванне і падрыхтоўка грамадзяніна, які ўмее мысліць экалагічна.

Фарміраванне экалагічнай культуры, выхаванне беражлівага дачынення да прыродных рэсурсаў ажыццяўляецца  пры дапамозе распаўсюджвання экалагічнай інфармацыі. Дзейнасць па фарміраванні экалагічнай культуры называецца «экалагічнай асветай».

У Беларусі праводзіцца сістэмная работа па экалагічнай асвеце, якая з'яўляецца неад'емнай часткай адукацыйных праграм усіх узроўняў — ад дашкольнага да вышэйшага. Сістэма экалагічнай адукацыі, выхавання і асветы падрабязна вызначана Законам Рэспублікі Беларусь «Аб ахове навакольнага асяроддзя».

Адным з умоў дасягнення гармоніі з прыродай з'яўляецца экалагічная пісьменнасць насельніцтва.