Супрацоўнікі філіяла "Брэстаблгідрамет" правялі традыцыйную дабрачынную акцыю напярэдадні Дня ведаў. Калектыў вырашыў парадаваць выхаванцаў Сацыяльна-педагагічнага цэнтра Маскоўскага раёна горада Брэста.
     Па асабістай ініцыятыве супрацоўнікі сабралі грашовыя сродкі і купілі для дзяцей усё, што трэба для школы і смачныя салодкія падарункі, каб навучальны год пачаўся не толькі з карыснага, але і з прыемнага.
     28 жніўня ўсе школьныя падарункі, зараджаныя цеплынёй і клопатам, супрацоўнікі філіяла перадалі дзецям. Галоўная задача гэтай акцыі - падарыць дзецям святочны настрой і дапамагчы ім пачаць новы навучальны год з усмешкі. Бо такія простыя добрыя справы дапамагаюць дзецям паверыць у цуд і натхняюць іх на выдатную вучобу!