3 ліпеня супрацоўнікі Філіяла «Брэстаблгідрамет» і структурных падраздзяленняў прынялі актыўны ўдзел ва ўрачыстасцях, прысвечаных Дню Незалежнасці Рэспублікі Беларусь. 
    У гэты святочны дзень работнікі гідраметслужбы далучыліся да памятных шэсцяў, ускладанняў кветак і канцэртных праграм. Для калектыву гэта стала важнай магчымасцю выказаць сваю грамадзянскую пазіцыю, ушанаваць подзвіг продкаў і паказаць вернасць традыцыям беларускага народа. 
    Дзень Незалежнасці - гэта асаблівы дзень, калі мы азіраемся назад з падзякай і глядзім наперад з надзеяй. Мы памятаем пра гераічныя старонкі нашай гісторыі, але разумеем: галоўная каштоўнасць дзяржавы — гэта яе народ. І сіла крыецца ў простых, але такіх важных рэчах: у вернасці сваім караням, у гатоўнасці прыйсці на дапамогу, у добрасумленнай працы і жаданні зрабіць сваю краіну лепшай.