У першую палову верасня на рэках Брэсцкай вобласці назіраўся адносна роўны ход узроўняў вады.
    На працягу мінулага тыдня на рацэ Піна каля горада Пінск, на Ясельдзе каля горада Бяроза і на Прыпяці ля маста Любанскага ўзроўні вады павысіліся на 7 сантыметраў. На рацэ Гарынь ля аграгарадка Вікаравічы і на рацэ Лясная каля вёскі Цюхінічы адбываліся рознанакіраваныя ваганні ўзроўняў вады з амплітудай 1-2 сантыметры.
    Тэмпература вады на рэках вобласці на раніцу 14 верасня склала ад 15 да 18 градусаў.