З 19 па 20 кастрычніка 2018 года ў г. Мінску ў гасцініцы «Рэнесанс» праходзіць семінар "Нацыянальны дыялог ГЭФ для Беларусі".

Даведачна. Глабальны экалагічны фонд (ГЭФ, англ. Global Environment Facility, GEF) - незалежны міжнародны фінансавы суб'ект, чыя дзейнасць рэалізуецца праз Праграму развіцця ААН, праграму па навакольным асяроддзі ААН і Сусветны банк. ГЭФ прадастаўляе фонды для фінансавання дадатковых выдаткаў для таго, каб праект стаў экалагічна прывабным. Арганізацыя створана ў 1991 годзе.

На адкрыцці семінара з прывітальнымі словамі выступілі першы намеснік Міністра прыродных рэсурсаў і аховы навакольнага асяроддзя Рэспублікі Беларусь Ія Вітальеўна Малкіна і старшы спецыяліст ГЭФ па змяненні клімату Мінг Янг (Ming Yang).

Галоўнымі тэмамі семінара з'яўляюцца змена клімату, змена эканамічных падыходаў і беражлівыя адносіны да Зямлі. Асноўная мэта для ўсяго чалавецтва на дадзены момант-спыніць развіццё парніковага эфекту. Усе людзі зямлі павінны аб'яднаць сілы і веды для захавання навакольнага асяроддзя і прадухілення негатыўных наступстваў змены клімату.

Падчас семінара будуць прадстаўлены прэзентацыі з указаннем істотных вынікаў, дасягнутых у рамках праектаў ГЭФ. Таксама будзе паказана прэзентацыя па вынятых ўрокаў у рамках праграм інтэграванага падыходу ГЭФ-6 з наступнай інтэрактыўнай дыскусіяй.