З 1 па 10 верасня 2021 года ў рэспубліцы праходзіць акцыя «Адзіны рэспубліканскі дзень бяспекі»
З 1 па 10 верасня 2021 года ў Беларусі праходзіць акцыя «Адзіны рэспубліканскі дзень бяспекі», прадугледжаная Планам мерапрыемстваў Міністэрства прыродных рэсурсаў і аховы навакольнага асяроддзя Рэспублікі Беларусь па рэалізацыі Дырэктывы Прэзідэнта Рэспублікі Беларусь ад 11 сакавіка 2004 года №1 «Аб мерах па ўмацаванні грамадскай бяспекі і дысцыпліны» на 2021 год. Яе мэта - фарміраванне сумеснымі намаганнямі ў грамадстве культуры бяспекі жыццядзейнасці, правядзенне адукацыйна-выхаваўчай работы з падрастаючым пакаленнем.
Супрацоўнікамі Белгідрамета для фарміравання ўсвядомленых паводзін у экстрэмальных сітуацыях у зімовы і летні перыяды, такіх як мароз, галалёдзіца, моцны снегапад, завіруха, туман, спякота, лясныя пажары і моцны вецер распрацаваны буклеты і плакаты з рэкамендацыямі. Таксама інфармацыяй важнай для жыцця і здароўя кожнага грамадзяніна нашай рэспублікі з'яўляецца інфармацыя па каляровых кодах ступеняў небяспекі метэаралагічных з'яў. Яна была сабрана і ў даступным і зразумелым для дзяцей і дарослых прадстаўлена ў інфармацыйных матэрыялах, якія былі перададзены ва ўстановы адукацыі і іншыя ўстановы г.Мінска для правядзення гадзін інфармавання.
