Свята пілотаў, бортправаднікоў, авіядыспетчараў, інжынераў зацверджана афіцыйна і прысвечана найважнейшай задачы грамадзянскай авіяцыі - бяспецы палётаў, якая непарыўна звязана з чалавечым фактарам, і залежыць шмат у чым ад надзейнасці авіятэхнікі і прафесіяналізму авіяспецыялістаў, якія забяспечваюць наземнае абслугоўванне паветраных суднаў і эксплуатацыю іх у паветры.

Днём нараджэння грамадзянскай авіяцыі ў Рэспубліцы Беларусь лічыцца 7 лістапада 1933 года, калі быў урачыста адкрыты аэрапорт «Мінск» і ажыццёўлён першы рэйс па маршруце Мінск - Масква.

Паважаныя калегі і дарагія сябры!

Ад імя ўсяго калектыву Белгідрамета і ад мяне асабіста віншую вас са святам! Жадаю здароўя, заваявання новых вышынь, выдатных умоў надвор'я, чыстага і бясхмарнага неба, удалых рэйсаў і паспяховага выканання прафесійных задач.

Шчасця вашым сем'ям і ўсім вашым блізкім, якія заўсёды чакаюць вашага вяртання дадому.