Тамара Гоманава прыняла ўдзел у сустрэчы з намеснікам Дзяржаўнага сакратара Саюзнай дзяржавы Беларусі і Расіі
26 студзеня начальнік Белгідрамета Тамара Гоманава прыняла ўдзел у сустрэчы, якую правёў намеснік Міністра прыродных рэсурсаў і аховы навакольнага асяроддзя Рэспублікі Беларусь Іван Прыходзька з намеснікам Дзяржаўнага сакратара Саюзнай дзяржавы Беларусі і Расіі Аляксеем Кубрыным.
Удзельнікі перамоў абмеркавалі ход падрыхтоўкі праграмы Саюзнай дзяржавы "Забеспячэнне гідраметэаралагічнай бяспекі ва ўмовах зменлівасці і змены клімату", накіраванай на забеспячэнне сумеснай дзейнасці Рэспублікі Беларусь і Расійскай Федэрацыі, што ажыццяўляецца ў рамках Камітэта Саюзнай дзяржавы па гідраметэаралогіі і маніторынгу забруджвання прыроднага асяроддзя.
Бакі дамовіліся прадоўжыць двухбаковае ўзаемадзеянне ў мэтах паскарэння праходжання працэдур, неабходных для зацвярджэння праграмы ў рамках Саюзнай дзяржавы і яе запуску.
