У мэтах папулярызацыі фізічнай культуры і спорту, актывізацыі фізкультурна-аздараўленчай і спартыўнай работы, прапаганды здаровага ладу жыцця і далейшага ўкаранення фізічнай культуры і спорту ў паўсядзённы побыт работнікаў у мінулую пятніцу адбыўся турнір па шахматах сярод работнікаў Цэнтральнага апарата Белгідрамета ў Мінску. Спаборніцтвы праводзіліся як сярод жанчын, так і сярод мужчын.

Трэба адзначыць, што гэты турнір стаў завяршальным звяном спаборніцтваў па шахматах, якія праходзяць у Белгідрамеце і яго абласных філіялах на працягу ўсяго мінулага тыдня.

Шахматныя турніры былі арганізаваны ў Белгідрамеце ўпершыню за доўгія гады і прымеркаваны да Года гістарычнай памяці і Перамогі савецкага народа ў Вялікай Айчыннай вайне.

Арганізатарам турніру выступіў Прафсаюз Белгідрамета.

Усе ўдзельнікі і пераможцы турніру ўдастоены заслужаных узнагарод і памятных дыпломаў.

Турнір плануе стаць штогадовым і традыцыйным.

Шахматнае жыццё ў Белгідрамеце адраджаецца!