Акцыя арганізуецца ў два этапы. З 16 па 31 жніўня ў буйных гандлёвых цэнтрах і іншых аб'ектах гандлю, якія спецыялізуюцца на рэалізацыі тавараў для дзяцей, увазе юных наведвальнікаў і іх бацькоў будуць прадастаўлены тэматычныя зоны з супрацьпажарнай атрыбутыкай і інтэрактыўныя навучальныя пляцоўкі. За актыўнасць і веды ўдзельнікі атрымаюць наглядна-выяўленчую прадукцыю па бяспецы жыццядзейнасці.

Усе жадаючыя змогуць прайсці навучанне ў «Акадэміі юных ратавальнікаў»: здаць экзамен па бяспецы, які складаецца з тэарэтычнай і практычнай частак, атрымаць сертыфікат аб яго праходжанні, запоўніць дзённік бяспекі, выконваючы заданні на інтэрактыўных навучальна-гульнявых пляцоўках. Па выніках мерапрыемства ім выдадуць «атэстат аб заканчэнні "Акадэміі юных ратавальнікаў"».

Другі этап рэспубліканскай акцыі пройдзе ва ўстановах адукацыі, арганізацыях і прадпрыемствах, месцах масавага збору людзей з 1 па 10 верасня. Школьнікі паўдзельнічаюць у тэматычных «ўроках бяспекі», атрымаюць наглядна-выяўленчую прадукцыю, педагогі пройдуць інструктаж аб пажарнай бяспецы, бацькі сустрэнуцца з работнікамі МНС для прафілактычных гутарак і прагляду тэматычных відэафільмаў. У працоўных калектывах інспектары нагадаюць асноўныя правілы бяспекі не толькі падчас гутарак з работнікамі, але і на спецыяльных навучальных пляцоўках.